1 Турк

Турк бүсгүйчүүдийг хурим хийхэд ах нар болон үеэлүүд нь бэлхүүсээр нь улаан тууз зангидан явуулдаг аж. Энэхүү тууз нь аз жаргал, баяр хөөр болон цэвэр ариун байдлыг илтгэж, хадамлан очиж буй айлдаа аз жаргалыг авчраасай хэмээх бэлгэдэлтэй ажээ.

2 Шриланк

Тус улсад бүсгүйчүүд нь хуримынхаа үеэр өрнө болон дорнын уламжлал, ёс заншлыг хослуулан хувцасладаг байна. Тэд үнэтэй хатгамал даавуугаар "сайра" хийж өмсөн, нүүрэндээ гивлүүр зүүдэг. Харин гоёл чимэглэлийн хувьд cондгой тоо бүхий чулуун гоёлыг зүүдэг уламжлалтай. Энэ нь аз авчирна хэмээн итгэдэг байна.

3 Индонез

Хуримын өмсгөлийн хувьд бусад улс орнуудаас нилээд өөр юм. Сүйт бүсгүйчүүд нь тод, бараан өнгийн хувцас өмсөн, хүнд чимэглэл толгойдоо зүүдэг байна.

4 Пакистан

Пакистан охид хуримын даашинзаа гүн улаан, ягаан, үзмэн ягаан зэрэг өнгүүдээс сонгон хийлгэдэг аж. Сүйт залуу бүсгүй нар үндэсний шүрэн хэлхээ болон даавуун хатгамал зэргийг толгойдоо зүүдэг гэнэ. Зарим хосууд өөрсдийн хүсэлтээр сүйт бүсгүй/хархүүдээ цэцгэн титэм зүүж өгдөг нь чин зүрхний үнэнч хайраа илтгэж байгаа хэрэг гэнэ. 

5 Энэтхэг

Тэд хуримынхаа үеэр өөрсдийн үндэсний хувцас болох “Гагра Чоли”-гоор гангардаг ба хөлнөөс толгой хүртлээ 16 гоёл, чимэглэл зүүх ёстой байдаг. Үүнд толгойн чимэглэл, хамрын болон чихний ээмэг, бугуйвч, шагайн зүүлт, зэрэг багтана.

6 Нубиа үндэстэн

Нубиа бол Суданы хойд хэсэг, Египетийн өмнөд хэсгээр Нил мөрний эрэг даган орших жижиг үндэстэн юм. Сүйт бүсгүй толгойдоо эрээн алчуур зүүн, гэрэлтдэг гивлүүр нүүрнийхээ урдуур унжуулаад толгой дээгүүрээ цагаан алчуур нөмөрдөг аж.

7 Эретрей

Хойд Африкийн нэгэн хэсэг, Эретрей улсын үндэсний хуримын даашинз нь бараан өнгийн хамбан  хилэн материалтай даашинз байх ба тэр дээгүүрээ алтан хатгамал гүйлгэсэн байдаг байна. Мөн сүйт бүсгүй болон залуугийн хувцас нь хоорондоо адилхан байдгаараа онцлогтой.

8 Тува

Үндэсний ёс заншил дээрээ тулгуурлан хувцасладаг аж. Тус хувцас морь унах зэрэг ямар нэгэн хөдөлгөөнд саад болдоггүй ба тод өнгийн материалаар хийгддэг байна. Түүнчлэн гар аргаар урласан хээ, хатгамал ихтэй тул гоёмсог харагддаг.

9 Төвд

Тус улсын хуриманд сүйт залуу нь бүсгүйдээ хуримын хувцас, чимэглэл зэргийг авч ирэн бэлэглэдэг байна. Өнгө өнгийн торгон дээр саатай хатгамалаар чимэг хийж, сүйт бүсгүйд мөнгөн унжуурга, зүүлт зүүлгэдэг. 

10 Палестин

Сүйт бүсгүй маш сайхан сүрлэг цагаан даашинзаар гоёдог аж. Түүнчлэн сүйт бүсгүйн ээж өөрийн гараар урласан толгойн гивлүүрийг зүүж өгөх ёстой байдаг гэнэ. 

11 Перу

Перу бүсгүйчүүд хуримандаа хар улаан өнгө хосолсон даашинз өмсдөг байна. Энэ нь магадгүй дэлхий дээр ховорхон хуримын хувцас байх. Учир нь бүх л улсын ард иргэд хуримандаа сүүн цагаан хувцасыг илүүд үздэг шүү дээ. 

12 Йордан

Тэд цагаан даашинз өмсөн, алтан болон мөнгөн чимэглэлээр гоёдог гэнэ. Мөн тэдний толгойг ногоон торгон даавуугаар бүтээдэг аж. Ногоон өнгө нь эв найрамдал, арвин ургац шим ба халдашгүй дархан байдал зэргийг бэлгэддэг юм.

13 Мали

Малид хосууд өөрсдөө өмсөх хувцасныхаа өнгийг сонгодог ба хамгийн гол нь хосууд ижилхэн хувцасласан байх ёстой аж. Ихэвчлэн тэд цагаан өнгийг сонгодог боловч зарим нэг нь ягаан болон нил ягаан өнгийг сонгох нь бий.

14 Солонгос

Хэдэн мянган жилийн турш сүйт бүсгүйчүүд нь үндэсний хувцас болох "Ханбуг"-ээрээ гоёж ирсэн билээ. Энэ нь урт ханцуйтай хүрэм болоод банзалаас бүрдэнэ. Мөн дотуураа цагаан өнгийн давхар ханбуг өмсдөг.  

15 Япон

Япон сүйт бүсгүйчүүд үндэсний хувцас "Кимоно" өмсдөг ба толгойдоо маш өвөрмөц малгай болох “цунокакушиг” зүүдэг байна. Энэ нь дуулгавартай, сайн эхнэр болно гэсэн утгыг илтгэдэг аж.

16 Нигери

Тэд торон хүрэм, хээтэй кафтанаар гоёдог байна. Мөн зурганд харагдаж байгаачлан шүрэн зүүлт болон малгай зэргийг өмсөж, зүүдэг аж.

17 Чечен

Цав цагаан өнгөтэй, хөвсгөр даашинз өмсөн, хүзүүний зүүлт болон бэлхүүсний бүс зэргээр гоёдог байна. Мөн биеийнхээ аль ч хэсгийг гаргалгүйгээр битүү хувцаслах ёстой байдаг гэнэ.

18 Ирак

Ирак сүйт бүсгүйчүүд маш олон хувцас сольж өмсдөг ба тогтсон өнгийн даашинз гэж байдаггүй. Зураг дээрх улаан даашинз нь гал халуун хайр сэтгэлийг бэлгэддэг аж. Мөн тэд бал сарын аялалаараа солонгийн 7 өнгийн даашинз сольж өмсдөг гэнэ.

19 Итали

Тэд ногоон өнгө нь аз болон арвин их хөрөнгө авч ирнэ гэж итгэн, ногоон даашинз болон чимэглэлээр гоёдог ажээ.