10 “GoDaddy.com” – 2.4 сая доллар

Америкийн тэргүүлэгч сайтуудын нэг “GoDaddy.com”-ийн 2005 онд гаргасан энэхүү реклам нь нийт 2.4 сая долларын өртгөөр бүтсэн юм.

9 “Ferrari” – 4.5 сая доллар

Мэдээж “Ferrari”-г гүйцэх брэнд хаа ч үгүй. Тэд яг л үүнийгээ батлах мэт, уралдааны машины зар сурталчилгаандаа 4.5 сая доллар өлхөн "хаяжээ". Дэлхийн хамгийн гайхалтай хотуудын хажуугаар сүнгэнэн өнгөрч, шатахуун түгээгүүрийн газарт очиж байгаа нь ч нэр хүндийн баталгаа болох мэт...

8 “Honda” – 6.5 сая доллар

Аливаа зүйлс хэрхэн бүтдэгийг, бүтэх бүтэхдээ хэрхэн “Honda”-ийн машин болдогийг эндээс харах боломжтой. Бас л агуу ур ухаан, бүтээлч санаагаар бүтсэн байгаа биз?

7 “Pepsi” – 8.1 сая доллар

Дуучин Бритни Спирсийг “Pepsi” компанийн мөнхийн түнш гэж хэлж болно. Хамгийн их өртгөөр бүтсэн, хамгийн их хандалт авсан Pepsi-ийн реклам болгонд л тэр дүрээ бүтээсэн байдаг юм. Уг рекламан дээр 1950 оноос хойш 2000 оны эхэн хүртэл залуу үеийнхэн Пепсиг хэрхэн сонголтоо болгож байгааг харуулдаг.

6 “Carlton Draught” – 9 сая доллар

Австралийн “Carlton Draught” шар айрагны брэнд нь зөвхөн бүтээгдэхүүний чанар чансааг биш, маркетингийн бодлогоо ч зөв тодорхойлж, “бүтээлч сэтгэлгээ” хэмээх үнэт зүйлийг шингээж чаддаг билээ. Яагаад ийн тайлбарласныг та доорх рекламыг бусад шар айрагны сурталчилгаатай харьцуулж үзээд ойлгох болно.

5 “Chrysler” – 12 сая доллар

Автомашины үнэ ханш өөрөө дээд зэрэглэлийн хүрээлэлд багтдаг болохоор түүнийг тойрсон асуудлууд ч гэсэн дээд зэрэглэлийн байхгүй бол болохгүй шүү дээ. “Chrysler” брэндийн автомашины энэхүү сурталчилгааны зураг авалт Детройт хотод хийгдсэн бөгөөд реппер Эминэмийг сонгосон нь ёстой л нүдээ олсон мэт...

4 “Aviva Insurance” – 13.4 сая доллар

Анх “Norwich Union” нэртэй байсан ч сүүлд “Aviva Insurance” болж өөрчлөгдсөн Английн томоохон даатгалын компанийн 2008 оны зар сурталчилгаанд одууд тоглосон нь давуу тал болсон юм. Одууд байгаа газар үргэлж олны нүд дагаастай явдаг. Тэд ч энэ зарчимыг овжин ашиглаж, нэр хүнд, бизнесээ өргөжүүлээд авсан юм.

3 Ерөнхийлөгч Жорж Бушийн сурталчилгаа – 14.2 сая доллар

Ерөнхийлөгчийн сонгуульд хэрэглэсэн түүний хамгийн хүчтэй зэвсэг бол мөрийн хөтөлбөр гэхэд арай л өртөг өндөртэй энэхүү реклам байлаа. Үүндээ 9-р сарын 11-ний аймшигт халдлагын үеэр ээжийгээ алдсан өнчин охиныг оруулсан нь бүр илүү шуугиан болсон юм. Харахад 14 сая доллар үрсэн гэхээргүй ч, зардлынхаа ихэнх хувийг телевизүүдээр цацахад зориулсан гэдэг.

2 “Guinness” – 16 сая доллар

Бид төрсөн өдрөө тэмдэглэхдээ ердийнхөөс хамаагүй илүү зардал гаргадагтай нэгэн адил “Гиннесийн амжилт”-ынхан ч гэсэн 2007 онд тохиосон 80 жилийнхээ ойг 16 сая доллараар нүсэр “тэмдэглэжээ”.

1 “Chanel N°5” – 33 сая доллар

Хөөх, 33 сая доллар аа?? Арга ч үгүй дээ, энэ чинь “Chanel N°5” бриллиантан шигтгээтэй тансаг зүүлт шүү дээ. Бас болоогүй Холливуудын сайхан бүсгүй, шаргал үст Николь Кидманыг тоглуулж, цаана нь “Debussy”-ийн “Сарны гэрэл”-ийг эгшиглүүлэх аж. Ингээд дэлхийн хамгийн өндөр зардлаар бүтсэн зар сурталчилгааг хүлээн авна уу!