Уг тэмцээн 1951 оноос хойш зохион байгуулагдаж байгаа бөгөөд бусад миссийн тэмцээнүүдээс ялгаатай нь оролцогч нарыг заавал өндөр байх ёстой гэх шаардлага тавьдаггүй харин 17-с дээш настай, ганц бие байх гэсэн шаардлагуудыг хангасан байх ёстой ажээ.

Гэвч хөтлөгч Стив Харви ялагчийн нэртэй хуудсыг буруу харснаас болж, дэд байрын шагналт Колумбын миссийг тэргүүн байр хэмээн зарлаж титмийг зүүлгэснийхээ дараа “Уучлаарай үзэгчдээ, бага зэрэг эндүүрэл гарсан байна. Тэргүүн байранд Филиппиний мисс тодорлоо” хэмээн хэлж үзэгчдийн дургүйцлийг хүргэжээ.

Энэ үед Колумбын мисс 21 настай Ариана Гутерез ихэд сэтгэлээр унасан ч түүнийгээ чадварлаг нуусан төдийгүй Филиппиний миссд баяр хүргэн тэвэрч, харин Филиппиний мисс 26 настай Пиа Алонзо Вуртсбах жинхэнэ цочролд орсон нь царайнаас нь ил харагдаж байсан юм. Энэ бол “Баярлуулан гомдооно” гэж юу болохыг жинхэнэ утгаар нь харуулсан үйл явдал байлаа.

Дашрамд дурьдахад “Miss Universe” тэмцээний ялагчид 300,000 доллараар үнэлэгдэх 33 үнэт чулуун шигтгээ, 10.37 каратын очир алмаз бүхий титэм гардуулдаг байна.
- Мөнгөн шагнал
- Нью-Йорк хотод байрлах тансаг орон сууц, амьдрах зардлын хамт
- Нью-Йоркийн урлагийн сургуульд нэг жил тэтгэлэгтэй суралцах урилга
- “CHI Haircare” үс арчилгааны бүтээгдэхүүний бүтэн жилийн хэрэгцээ
- Хятадын алдарт фирмийн гутлын шүүгээ гутлуудын хамт
- “Yamamay” брэндийн усны хувцасны коллекци
- “Image Skincare” арьс арчилгааны бүтээгдэхүүний бүтэн жилийн хэрэгцээ
- “Gravity Fitness”, “John Barrett Salon”-уудад бүтэн жилийн турш үнэ төлбөргүй үйлчлүүлэх эрх
- “Victoria’s Secret”-ийн моделиудийн гэрээт гэрэл зурагчин Фадил Беришатай хамтран ажиллах эрх
- Мэргэжлийн арьс арчилгааны салоноор үнэ төлбөргүй хүссэн цагтаа үйлчлүүлэх эрх
- Америкийн хамгийн шилдэг шүдний эмч нараар эмчлүүлэх эрх
- “Miss Universe” тэмцээний зохион байгуулах албанд ажиллах урилга
- Нью-Йорк хотын томоохон кино болон дуурийн театруудад ямар ч үзвэрийг үнэгүй үзэх эрх
- “Miss Universe” тэмцээний албан ёсны стилистүүдийн зүгээс өгч буй бэлэн хувцас зэрэг шагнал урамшууллуудыг дагалдуулдаг байна.

АНУ-д жил бүр зохион байгуулагддаг энэхүү сайхан бүсгүй шалгаруулах тэмцээнд загвар өмсөгч Кэтлин Аптон (Caitlin Upton) 18 настайдаа Өмнөд Каролина мужийг төлөөлөн оролцож байлаа. Шүүгчид түүнээс “5 Америк хүн тутмын нэг нь яагаад газрын зураг дээр Америкийг зааж чаддаггүй гэж та бодож байна?” гэсэн асуулт асуухад тэрээр “Учир нь зарим хүмүүст газрын зураг байдаггүй юм байна лээ” хэмээн хариулж олон хүний дургүйцлийг хүргэж байсан юм. Зарим хүмүүс түүнийг тоглож хэлсэн байгаасай хэмээж байсан ч, тэрээр энэхүү хариултыг хэлэхийнхээ өмнө их удаан бодож, төв царай гаргаж байснаас харахад үнэнгээсээ хариулсан бололтой.

Ялагч болно гэдэг хамгийн гайхалтай зүйл яалтчгүй мөн. Оросын сайхан бүсгүй шалгаруулах тэмцээний 2012 оны ялагч Элизабет Голованов титмээ гардаж авчихаад титмээ газарт унагаачихжээ. Өмнө нь титмээ унагааж байсан мисс цөөн болохоор энэхүү явдал олны анхаарлыг маш ихээр татсан юм. Дээрээс нь энэхүү титэм нь жинхэнэ сувд, очир эрдэнэ шигтгэж өгсөн тул хосгүй үнэ цэнэтэй гайхалтай эд байсан ажээ. Эвдэлж сүйдэлчихээгүй нь л яамай даа...

Бүсгүйчүүд байгаа газар үргэлж л хэл ам, хэрүүл маргаан гардаг. Тэгвэл “Miss Amazon 2015” буюу Бразилийн сайхан бүсгүй шалгаруулах тэмцээний сүүлийн шатанд тунаж үлдсэн 2 оролцогчийн нэг буюу Каролина Толедо, ялагч болсон Шейслан Аяаллаг титмээ зүүх яг тэр агшинд титмийг нь үстэй нь хамт зулгаан, шидэж, хараалын үг хэлж, яг галзуу хүн шиг аашилсаар тайзны араар орсон байна.