Зуурмагт:
- Бүлээн ус - 100 гр.
- Хуурай исгэгч - 0,5 цайны халбага
- Давс болон элсэн чихэр – тус бүр 1 цайны халбага
- Гурил (шигшсэн) – 2 аяга
- Өндөг – 1 ширхэг
- Чидун жимсний (ургамлын) тос – 2 хоолны халбага
Зуурмаг бэлдэх аргачлал:
Бүлээн усандаа элсэн чихэр, хуурай исгэгч, давсаа хийн уусгана. Үүн дээ шигшсэн гурилныхаа талыг цацах маягаар хийж хутгаад дээр нь өндөгөө нэмж дахин сайтар холино. Дараа нь үлдсэн гурил болон тосоо хийж сайтар холиод зуурмаг бэлэн болно. /зуурмагыг хоёр хэсэг хуваан тус бүр нь 35-40 см диаметртэй пицца хийж болно/ Зуурмагаа шаардлагатай тохиолдолд хуурай гурил цацан нимгэн элдэнэ. Листээ тослон элдсэн зуурмагаа дэвсэж өгнө.
Соус бэлдэх аргачлал:
Улаан лоолийн соус бэлдэнэ. 2-3 ширхэг улаан лоолийг буцалсан усанд хэсэг байлгаад хальсийг нь хуулж авна. Дараа нь улаан лоолийн зөөлөн эдийг холигчид чимх нунтаг базилик, орегано, бага зэрэг ургамлын тос, давс, элсэн чихрийн хамт хийж нухашлана. Соусыг 5 минут орчим чанаж хөргөөд зуурмаг дээрээ түрхэнэ.
Шанзанд:
Та өөрийн хүссэнээр дуртай шанзаа хийж болно. Жишээ болгож хоёр төрлийн хиам, бөөрөнхий сонгино, давсалсан өргөст хэмх, улаан лооль, мөөг, бяслагтай шанзыг сонголоо.
Шанзнуудаа соус түрхсэн зуурмаг дээрээ замбараагүйгээр өрж тавиад дээр нь үрсэн бяслагаа жигд бүрхэж өгнө.
Дараа нь шарах шүүгээгээ 220 градус хүртэл халааж пиццагаа 15-20 минут жигнэнэ.
Ингээд хялбар бөгөөд амтат пицца бэлэн боллоо.
