Майли Сайрусийн ихэр олныг гайхшруулж байна

АНУ-ын Калифорни мужийн нэгэн рестораны зөөгч 21 настай Марди Шеклфорд (Mardee Shackleford) хэмээх энэ бүсгүйг хүмүүс дуучин, дуулиан шуугианы эзэн Miley Cyrus-тай байнга андуурдаг гэнэ. Өмнө нь түүнийг нэгэн шөнийн клубын үүдэнд байхад нь хэсэг залуус жинхэнэ дуучин Miley-г байна хэмээн бодож шуугилдан ирэхэд клубын үүдний хамгаалагч хүртэл түүнийг андууран, хамгаалж байжээ.

Тэр ч байтугай дуучин Майли Сайрусын аав нь түүнийг охинтойгоо андуурч байсан байна. Учир нь тэр бага байхдаа Майлигийн “Ханна Монтана” кинонд тоглож байх үеийн төрхтэй мөн л андуурмаар адилхан харагдаж байсан гэнэ.

Марди саяхныг хүртэл Майлигийн дуунуудыг ерөөсөө сонсдоггүй байжээ. Харин хүмүүс түүнийг дуучинтай андуурч эхлэх үед л өөрийгөө Майлигийн стилээр “гоёж” зургуудаа цахим хуудсандаа байршуулжээ.

Тэр жилийн өмнө Майли Сайрусын тоглолтыг үзсэн бөгөөд тоглолт дуусахад хүмүүс Miley-тай андуурч, түүнийг нилээд сандаргасан гэнэ.

Марди хэлэхдээ: “Би Майлиг байнга дууриан хувцаслаж, гадуур явдаггүй. Харин сонирхолтой санагдсан учраас Майли шиг хувцаслаж, түүний хөдөлгөөнүүдийг дууриаж зураг авахуулсан юм” хэмээн ярьжээ.

Мөн тэрээр “Бидний амьдралын замнал болон нас ч хоорондоо төстэй” гэсэн байна.

Марди дуулах дуртай бөгөөд Чикаго хотод болсон сонирхогч дуучдын тэмцээнд ч түрүүлж байжээ.

Үүгээр зогсохгүй тэр хувцас загвар зохион бүтээж, өөрийнхөө оёсон хувцаснуудаар онлайн дэлгүүр хүртэл нээсэн хөдөлмөрч бүсгүй юм.

Майлигийн дараагийн тоглолтын үеэр тэр түүнтэй хамтдаа дуулах хүсэлт гаргахаар төлөвлөж байгаа гэнэ. Ингэснээр дуулах авьяасыг нь ч мөн хүмүүс үнэлж, илүү олон хүнд танигдах нь дамжиггүй билээ.