Лесби гэдгээ зарласан одууд

Бэлгийн чиг баримжаа нь төрөлхийн бөгөөд хэзээ ч өөрчилж болдоггүй гэдэг. Лесби, Гэе, Транс (эрэгтэй хүн өөрийгөө эмэгтэй гэж мэдрэх гэх мэт) болон Бисекс (эрэгтэй эмэгтэй хоёуланг нь сонирхдог) хэн ч байсан бүгдийг нь эрх тэгш хүлээн авдаг гадны орнуудад алдартай одууд өөрсдийгөө лесби гэдгээ зарлах нь бараг л түгээмэл зүйл болжээ.

1. Ellen Page

Өдгөө 28 настай Канадын алдарт жүжигчин Эллэн Пейж (Ellen Page), 2014 оны 2 дугаар сарын 14-ний өдөр буюу “Валентиний баяр”-аар өөрийгөө ижил хүйстнээ сонирхогч “лесби” болохоо зарлажээ.

2. Kristen Stewart

Бидний мэдэхээр “Бүрэнхий”, “Шинэ сар” болон “Хиртэлт” кинонуудад гол дүрийг бүтээж дэлхийд алдартай болсон жүжигчин Кристен Стюарт (Kristen Stewart)-ийг хэн ч лесби хэмээн бодоогүй биз ээ. Тэрээр саяхан өөрийн найз бүсгүй Алисагаа олонд танилцуулсан бөгөөд ахин өөрийн бэлгийн чиг хандлагаа нуухыг хүсэхгүй байна гэжээ.

3. Cara Delevingne

Этгээд зан авир, өтгөн хөмсөгөөрөө загварын ертөнцийг шуугиулсан Кара Делевинь (Cara Delevingne) найз залуутай байсан ч, сүүлийн үед охидтой болзож өөрийгөө ижил хүйстнээ сонирхогч болохоо олонд дэлгэсэн байна.

4. Patricia Yurena Rodríguez

Тэрээр Испанийн 2013 оны мисс бөгөөд өөрийгөө лесби гэдгээ зарласан анхны гоо бүсгүй болжээ. Патрисия инстаграм хуудаснаа өөрийн найз бүсгүй болох DJ Vanesa Cortes-тэй хамтдаа авахуулсан зургаа хийсэн нь тухайн үедээ нэлээд шуугиан тарьсан билээ.

5. Raven Symone

Америкийн алдарт жүжигчин Raven Symone өдгөө 29 настай бөгөөд өөрийгөө лесби болохоо “Oprah” шоуны үеэр зарласан байна.

6. Emily Rios

26 настай жүжигчин бүсгүй Emily Rios, TCA FX шоуны үеэр “Би лесби бас Мексик...” хэмээн яриагаа эхлүүлсэн бөгөөд хүмүүс ийм үзэсгэлэнтэй бүсгүй ижил хүйстнээ сонирхогч гэхэд итгэхэд ч бэрх хэмээн шуугих болжээ.