Хөөрхий хүүгийн амьдрал бусад ийм өвчтэй хүүхдүүдийн эцэг эхчүүдэд урам зориг хайрлаж , амьдрах итгэл өгсөөр байгаа ажээ.



Түүнийг эхийн хэвлийд байхад мэдрэлийн сувгийн гажигтай хэмээн оношилж байжээ.



Эмч нар түүнийг ирээдүйд хэвийн төрхтэй болно гэсэн баталгааг өгч чадахгүй байгаа аж.



Хүүгийн аав Брэндон “Эхнэрийгээ 17 долоо хоногтой жирэмсэн байхад нь ЭХО-д харуулахад эмч бидэнд хүүгийн маань ямар нэгэн эрхтэн хэвийн биш байна гэж хэлсэн ” гэжээ.



Эмч тэдэнд 23 долоо хоногтой жирэмсэн байхад нь хүүхдээ авахуулсан нь дээр гэж хэлсэн ч залуу хосууд татгалзсан байна. Ингээд хүү хэвлийд байх хугацаандаа эсэн мэнд бойжиж, 2014 оны 8-р сарын 27ны өдөр кисерво хагалгаагаар хорвоод мэндэлсэн байна.



2 сартай байхад түүний биеийн байдал муудаж  Бостон хотын хүүхдийн төв эмнэлэгт хүргэгдсэн байна. Тэрээр одоо хүртэл ухаангүй байгаа бөгөөд эцэг эх нь орчин үеийн шинжлэх ухааны дэвшилтүүд хүүгийнх нь энэ эмгэгийг арилгаж чадна хэмээн итгэж байгаа аж.



Брэндоны ажлын хамт олон хүүд зориулан хандивын данс нээсэн бөгөөд одоогийн байдлаар 55.000 доллар цуглараад байгаа ажээ.