Доорх хаягаар холбогдож дэлгэрэнгүй мэдээлэл авна уу.
99093445
info@caak.mn
facebook
1. “The Blind Side” (2009)
Академийн шагнал хүртсэн энэхүү кино нь гарал үүслээр ялгаварлан гадуурхах үзэл хүнийг хэрхэн сэтгэлээр унагаж байгааг, түүний хажуугаар сайхан сэтгэлтэй хүмүүс цөөн боловч нэлээдгүй байдгийг харуулсан сэтгэл хөдөлгөм бүтээл юм.
2. “Invictus” (2009)
Агуу удирдагч Нелсон Манделагийн бодит амьдралаас сэдэвлэн бүтээсэн энэхүү кинонд Өмнөд Африкийн эдийн засгийн болон арьс өнгөөөр ялгаварлан гадуурхах асуудлыг дэвшүүлж, 1995 оны Хөлбөмбөгийн ДАШТ-д Өмнөд Африкийн багийг оруулж чадсанаар өөрийн улсаа эрх тэгш хөгжүүлэх хүслээ гүйцэлдүүлж буй тухай гардаг.
3. “Moneyball” (2011)
Спортоор дамжуулан сул дорой нэгнээс хэрхэн хамгийн хүчирхэг нэгэн болж буй талаар харуулсан шилдэг кино юм.
4. “Intouchables” (2011)
Арьсны өнгөөр ялгаварлагч гэж хэлж болохоор нэгэн шүүгч саажилттай болж, шоронгоос дөнгөж суллагдсан хар арьст залууг өөрийн асрагчаар хөлсөлж авдаг. Тэдний хооронд үнэлж баршгүй нөхөрлөл бий болж, киног улам сонирхолтой болгоно.
5. “Lincoln” (2012)
Америкийн хамгийн нэр нөлөө бүхий ерөнхийлөгч Линколн Иргэний дайны үеэр боолчлолын нийгмийг халахын төлөө зүтгэж, хүн чанар төдийгүй улс төрийн гайхалтай ухаанаараа бүхнийг зохицуулдаг тухай гардаг.
6. “Dallas Buyers Club” (2013)
Техас мужийн иргэн Рон Вүүдрүүф өөрийгөө ДОХ туссан бөгөөд ганцхан сарын настайгаа мэдээд цочролд орно. Гэсэн ч тэр амьдралдаа бууж өгөлгүйгээр, худалдаалахыг хориглосон эмнүүдийг хууль бусаар ч хамаагүй өвчтэй зовлонтой хүмүүст борлуулж эхэлнэ. Ингэснээр түүний амьдралын утга учир тодордог.
7. “The Wolf of Wall Street” (2013)
Ди Каприогийн бас л шагнал авч чадаагүй кино! Гэхдээ л брокерийн компанийн ажилтны дүрээрээ үзэгчдийг алмайруулж чадсан шүү.
8. “Twelve years a slave” (2013)
Нью Йоркийн өнгөт арьст залуу хулгайлагдан улсынхаа хойд зүгт ирж нэг айлд боолчлогдон очно. Азаар тэр айлын эзэн нь сайхан сэтгэлтэй бөгөөд түүнийг хуучин амьдралдаа эргэн ороход нь тусалдаг байна.
9. “42” (2013)
Энэхүү кинон дээр бэйсболын багийн хар арьст шилдэг тоглогч Жэки Робинсон багаасаа хөөгдсөн ч түүний хүлээн зөвшөөрөхгүй байхын аргагүй авьяас чадвар нь бүх хүнийг хэрхэн өмнөө сөгдүүлж байгааг энэ киноноос үзээрэй.
10. “The Imitation Game” (2014)
Дэлхийн 2-р дайны үед Английн тусгай нууц ажиллагааны багийн гишүүн Alan Turing-ийн амьдралаас сэдэвлэсэн гайхалтай бүтээл юм. Тэр Нацистуудын нууц кодыг тайлж олныг гайхшруулдаг. Бодит амьдрал дээрээ тэр ижил хүйстэн хэмээн буруутгагдан шоронд орж, 2 жилийн дараа амиа хорлосон байна.
11. “Theory of Everything” (2014)
Стефен Хавкинг-ийн амьдралаас сэдэвлэн бүтээсэн кино. Стефен 21 насандаа өөрийгөө мэдрэлийн эсийн хорт хавдартай гэдгээ мэдсэн ч сэтгэлээр унасангүй, эхнэртэйгээ хамт шинжлэх ухаан, анагаах ухааны салбарт олон онол дэвшүүлж, ном бичиж, алдарт хүрсэн билээ.
Хэрвээ танд дээрх мэдээлэл таалагдсан бол доорх мэдээг сонирхоорой:
