1 Дэглэм барихдаа болгоомжтой байгаарай

Эмэгтэй хүмүүс төрөл бүрийн хоолны дэглэм барьдаг бөгөөд хэдийгээр тухайн үедээ жин хасаж байгаа ч заримдаа эрүүл мэндэд муугаар нөлөөлдөг. Хэрвээ таны барьж буй хоолны дэглэм уураг, нүүрс усны хэмжээг 80%-иас илүү хасаж байгаа бол энэ дэглэмийг барих хэрэггүй.

2 Дасгал хийх

Дасгалыг хоолны дэглэмтэй хослуулсны ачаар булчингийн масс нэмэгдэж, бодисын солилцоог сайжруулснаар та өөрийн жинг хянаж, эрүүл саруул амьдрах боломжтой. Йогоор хичээллэх, гүйх, алхах зэрэг нь таны эрүүл мэндэд  тустай.

3 Стрессээс холуур байх

Өөрийн сэтгэл хөдлөлийг хянах хэцүү байдаг ч та хянаж, аль болохоор ядрахгүй, сэтгэл санаагаа тайван байлгах хэрэгтэй. Сэтгэл санааны хямрал хүн бүрт өөрөөр нөлөөлдөг бөгөөд зарим нь жин хасдаг байхад зарим нь нэмсэн байдаг. Хэрвээ таны сэтгэл санаа таагүй болж эхэлвэл та өөрийгөө тайвшруулж, тайвшруулах массаж хийсэн ч болно.

4 Зорилготой бай

Зорилготой байх нь хэдийгээр сайн ч та биелэх боломжтой зорилго тавих хэрэгтэй.  Хүрэхэд хэцүү бэрх зорилго тавьснаар та сэтгэл санаагаар хямарч, өөртөө анхаарал тавьж чадахгүй байсаар байгаад эрүүл мэндээ орхих магадлалтай.