МУГЖ Б.Сарантуяа “Сэхүүн салхи” шинэ цомгийн баяраа хийнэ

Lhagvaa
2015-09-17, 18:50
МАРКЕТИНГ
3,664
0
Хуваалцах
МУГЖ, Зууны манлай эстрадын дуучин, поп дива Б.Сарантуяа 1996 онд “Сэтгэлийн хөг” анхны тоглолтоо хийснээс хойш хөгжмийн урлагт 30 жилийн хөдөлмөр, бүтээлээ зориулж явна. 2016 онд түүний урлагийн алтан тайзнаа дуулсан 30 жилийн ой тохиох бөгөөд ирэх жилийн 4-р сарын 20 хүртэл 30 жилийн ойд зориулсан шинэ цомог, тоглолтууд, амьдрал, уран бүтээлийн амжилт, түүхээ харуулах ном зэрэг олон бүтээлүүдийг төлөвлөжээ.
МУГЖ Б.Сарантуяа “Сэхүүн салхи” шинэ цомгийн баяраа хийнэ


Үүний эхлэл болгож, “Сэхүүн салхи” нэртэй шинэ цомгоороо сонсогчиддоо бэлэг барих гэж байна. Уг шинэ цомгийн бүтээлд дуучны хит болон шинэ 10 дуу багтжээ. Тодруулбал, “Сэхүүн салхи”, “Аргагүй амраг”, “Хавар”, “Чи алзахгүй”, “Мөрөөдлийн арал”, “Хатан хаан”, “Бог өвсний дуу” болон Төрийн шагналт, УГЗ Б.Шаравын хөгжим, СГЗ, Ардын уран зохиолч Т.Галсангийн шүлэг “Аав ээж хоёр минь”, УГЗ, хөгжмийн зохиолч Л.Балхжавын хөгжим “Содура” киноны дуу, “Зоргоороо амраг” зэрэг бүтээлүүдээ нэгтгэжээ. Дуунуудын хөгжмийн найруулга, бичлэг, тохируулга зэрэг чухал ажлуудыг “New Star” студийн С.Гантөр, Ядамсүрэн, “White Arch” студийн Т.Мөнх-Оргил, “Ocean Grey” продакшны Ариунболд, Нацагдорж мөн Сингапур улсаас Рагу Раман нарын уран бүтээлчид хийж гүйцэтгэжээ.

Цомгийн албан ёсны нээлтэнд зориулсан тоглолтыг 9-р сарын 18-нд 20 цагт “VLVT” клубт хийх бөгөөд тоглолтонд, амьд хөгжмийн “Random” хамтлаг, үндэсний хөгжмийн “Олонхи” хамтлаг, дуучин Л.Насанбуян, Э.Болор-Уянга нар хамтран оролцох юм байна. Харин тоглолтын тасалбарыг 9700-0888 утсаар захиалах боломжтой.







Видео



ЭНЭ МЭДЭЭ ТААЛАГДСАН БОЛ ШЭЙР ХИЙГЭЭРЭЙ.

0
таалагдаж байна

0
таалагдахгүй байна

Сэтгэгдэл

Уучлаарай энэ мэдээнд oдоогоор
сэтгэгдэл бичих боломжгүй байна.