Доорх хаягаар холбогдож дэлгэрэнгүй мэдээлэл авна уу.
99093445
info@caak.mn
facebook
1. “Schindler’s list” (1993)
1939 он, Дэлхийн II дайны үе, Герман улстөрч эр дайнаас ашиг олохын тулд үйлдвэртээ ажилчид авах шаардлагатай болдог. Гитлерийн хяналтан дор байсан 300 гаруй еврейчүүдийг хөлсөлж үйлдвэртээ ажиллуулсанаар тэдэнд шинэ амьдрал бэлэглэж байгаагаа ухаарч эхэлнэ. Тэднийг нацистуудаас хамгаалахын тулд шинэ төлөвлөгөө боловсруулсанаар киноны гол үйл явдал өрнөдөг байна.
2. “Saving Private Ryan” (1998)
Нормандын тулалдаанд ялалт байгуулсны дараа ахмад Жон Миллер байлдагч Жэймс Райныг аврах ажиллагаа явуулахаар болсон тухай дээд удирдлагаасаа тушаал хүлээн авдаг. Учир нь Райны 3 ах дайны үеэр амь үрэгдсэн бөгөөд хөвгүүдээ алдан, зовж шаналсан эхийн сэтгэлийг тайтгаруулахын тулд үлдсэн ганц хүүг нь эсэн мэнд авчрах энэхүү тушаалыг биелүүлж байгаагаар кино эхэлнэ.
3. “Patch Adams” (1998)
Peter Adams хэмээх залуу сэтгэцийн эмнэлэгт хэвтэн эмчлүүлж, өөрийн өвчин зовлонгоо ялан дийлэх үедээ хувийн эмнэлэг байгуулахыг хүсдэг. Гэвч бүх зүйл түүний дураар үл бүтэх боловч удалгүй түүний баян найз нь эмнэлэг нээхэд нь тусалдаг байна. Ингээд тэрээр эрүүл мэндийг даатгалгүй хүмүүст үйлчилж эхлэх бөгөөд осолд орсон, сэтгэцийн өвчтэй хүмүүстэй харилцах тийм ч хялбар зүйл биш гэдгийг ойлгоно.
4. “October Sky” (1999)
Вест Виржиниа мужийн нүүрсний уурхайн ажилчин Жон Хикам хүүгээ өөрийнх нь мэргэжлийг өвлөөсэй гэж хүсдэг хэдий ч түүний хүү Хомер “Спутник 1” сансрын хөлгийг харснаасаа хойш пуужин бүтээх өөрийн хүсэлдээ хөтлөгдөн найзуудын хамт янз янзын туршилт хийж эхэлнэ. Энэ нь мэдээж Жоний сэтгэлд үл нийцэх тул хэцүүхэн маргаан дэгдээж орхидог.
5. “Beautiful Mind” (2001)
Амжилтын индэрээс сэтгэцийн эмнэлэгт ортлоо бүх л зүйлтэй нүүр тулсан Жон бага залуу насандаа гайхамшигтай нээлт хийн, дэлхий даяар нэр нь цуурайтдаг. Гэвч энэ нээлт нь цаашаа үргэлжлэх тусам түүнийг самууруулан, өөрчлөх болно. Хүний оюун санаа гэдэг хийсвэр ч гэлээ хичнээн гайхалтай бас хүчтэй гэдгийг илэрхийлсэн шилдэг кино юм.
6. “Catch me if you can” (2002)
Бид бүгд бага байхдаа маш олон зүйл мөрөөддөг байж билээ. Эмч, зохиолч, одон оронч, цагдаа, болно гээд л... 18 нас хүрэхээсээ өмнө эдгээрийг бүгдийг нь эзэмшсэн залуу бол Frank Abagnale юм. Түүнийг төрөлхийн луйварчин гэж хэлж болох бөгөөд, Америкийн түүхэн дэх хамгийн шилдэг банк тоногч гэж бичигдсэн байдаг. Тэрээр Карл Хэнриттийн агентад орж, үргэлж түүнээс нэг алхамын өмнө явдаг байв. Энэ нь тэдний дундах гол тэмцэл, киноны хамгийн гол зангилаа юм.
7. “Hotel Rwanda” (2004)
Руанда омгийхнийг хомроголон устгах үеийн бодит явдлаас сэдэвлэн бүтээсэн эл кинонд Паул өөрийн зочид буудалдаа эхнэр, 3 хүүхдийн хамт амьдарч байгаагаар гардаг. Гэвч удалгүй Хүтү-н цэргийн хүч хотод түрэн орж ирж, ард түмнийг устгаж эхэлдэг. Тэр ч аль чадахаараа хүмүүсийг буудалдаа орогнуулж, амийг нь аврахийг хичээнэ. Гэвч байдал хүндэрч, сүүлдээ Хүтүгийн цэргийн хүчний эсрэг ганцаарханаа үлддэг байна.
8. “The Aviator” (2004)
Амжилтанд хүрэхээсээ өмнө бараг л бүхэлдээ сүйрсэн хүмүүс олон. Howard Hughes бол тэдний нэг. Сайхан хүүхнүүдийг бээлий шигээ сольдог, өөрөө ч анхдагч нисгэгчдийн нэг байсан тэрбээр нэг л өдөр юу ч үгүй болох ажээ. Үргэлжлэлийг киноноос...
9. “Coach Carter” (2005)
Хуучин багшилж байсан Ричмондын дунд сургуульдаа эргэн ирж буй сагсан бөмбөгийн багийн дасгалжуулагч Кен Картерийн тухай өгүүлэх уг кино дасгалжуулсан баг нь хэдий шилдэг ч гэлээ, шагнал авах нь багасч, уналтад орж эхэлж буй тухай гардаг байна. Амжилтаа буцаан сэргээхийн тулд тэр юу хийхийг киноноос үзээрэй.
10. “The World’s Fastest Indian” (2005)
Юта руу явах дэлхийн хамгийн хурдан машиныг бүтээсэн Шинэ Зеланд эрийн бодит амьдралыг харуулсан гайхалтай кино. Түүний 1967 онд тогтоосон энэхүү амжилтыг одоогийн байдлаар хэн ч эвдээгүй байгаа билээ.
11. “Rescue Dawn” (2006)
Вьетнамын дайны үеэр шархадсан цэрэг аврал эрэн өлсгөлөн, өвчинийг даван туулсан бодит явдлыг харуулсан кино юм.
12. “Pursuit of Happyness” (2006)
Алдарт жүжигчин Will Smith-н тоглосон бүх цаг үеийн хамгийн сэтгэл хөдөлгөм кино. Ганц бие аав хүүгийнхээ төлөө шударгаар ажиллаж, түүндээ хамаг л анхаарал халамжаа зориулан, өвдөг сөхрөхийг мэдэхгүй амьдрана. Сэтгэлээр унасан үедээ энэхүү киног үзэн урам аваарай.
13. “Glory Road” (2006)
1966 онд Америкт арьс өнгөөр ялгаварлан гадуурхах үзэл газар авч байсан үе. Техасын хөлбөмбөгийн шигшээ багийн өнгөт арьст тоглогч Bobby Joe Bill болон ахлагч Harry Flournoy нар гайхалтай чадварлаг тоглодог ч энэ нь тэдэнд сайн нөлөө үзүүлэхээс илүүтэй аюул занал учруулж байв.
14. “Freedom Writers” (2007)
Мэдээллийн хэрэгсэл ашиглан, баримт цуглуулах аргаар хэрхэн боловсрол эзэмших талаар шавь нартаа ойлгуулж буй багшийн тухай өгүүлэх бодит явдлаас сэдэвлэсэн кино. Арьс өнгөөр ялгаварлан гадуурхалт зөвхөн хоёрдугаар дайнд ч биш орчин үед, тэр дундаа дунд сургуульд ямар хүчтэй байгааг мэдсэн багш хэрхэн арга хэмжээ авахыг энэ киноноос үзэж болно.
15. “Into the wild ” (2007)
Эгэл жирийн уйтгартай амьдралаас зугтаж, бүх хураасан мөнгөө хандивлан, зөвхөн амьд үлдэхийн төлөө биш, илүү утга учиртай амьдрахын төлөө аялаж буй залуугийн гайхалтай түүх. Тэрээр онц сурлагатан, шилдэг оюутан байсан ч өөрийн бүх эд хөрөнгөө орхин, аялалд гарах болно.
