Зун цагийн сагсан бөмбөгийн баяр боллоо

Монголын хүүхэд залуусын хамгийн их хүсэн хүлээдэг спортын арга хэмжээний нэг “СПРАЙТ 3 эсрэг 3” гудамжны сагсан бөмбөгийн тэмцээнийг 11 дэх жилдээ Спрайт брэнд ТЛЖ-13 ТББ-тай хамтран 08 сарын 20-оос 23-ны өдрүүдэд Чингисийн Талбайд амжилттай зохион байгууллаа.

Энэ жилийн хувьд шилдэг 200 гаруй багийн хүүхэд залуус зун цагийн сагсан бөмбөгийн баяр болох “СПРАЙТ 3 эсрэг 3” тэмцээнд өрсөлдсөнөөс эрэгтэй 18-аас дээш насны ангилалд “Офицер” баг тэргүүн байр эзэлсэн бол 18-аас доош насны ангилалд “Sprite” баг, эмэгтэйчүүдийн ангилалд “Sprite” баг хамгийн шилдэг нь байж тус бүр мөнгөн шагнал болон Спрайт брэндийн гарын бэлэгний эзэд болжээ.

Үзэгчдийн дундах тэмцээний ялагч “М-Си-Эс Кока-Кола” ХХК-аас дуртай бүтээгдэхүүнүүдээ авах эрхийг хожлоо. Тус тэмцээний үеэр Спрайт брэндийн зүгээс “Спрайт Слэм Данк”, хөгжөөн дэмжигч охидын бүжиг, бөмбөрийн парад гэх мэт олон сонирхолтой сюрпризүүдийг үзэгч залуустаа бэлэг болгон барьж байсан юм.

Ийнхүү зун цагийн сагсан бөмбөгийн баяр Спрайт 3 эсрэг 3 тэмцээн 11 дэх жилдээ амжилттай зохион байгуулагдаж 4 өдрийг хүүхэд залуус Чингисийн талбайд сагсан бөмбөгөөр амьсгалж өнгөрүүллээ.