Улсын их баяр наадмын амралтын өдрүүдэд зохиогдох Hunnu Music Festival нь өдрийн 12 цагаас эхлэн 18 цагийн турш үргэлжлэх бөгөөд тус наадамд Лос Анжелес хотоос гаралтай олон улсад танигдсан DJ, продюсер TOKiMONSTA, мөн Сөүл хотын алдарт Octagon клубын DJ нар болох Benjamin Kim, Yann Cavellie нар амьд тоглолтоо хүргэнэ.  Мөн алдарт дуучид болох Britney Spears, Beyonce, Justin Bieber, Usher, Chris Brown нартай хамтарч ажилладаг Америкийн нэрт DJ, продюсер Diplo  Hunnu Music Festival-д ирэх юм.

Мөн наадам нь Монголын шинэ залуу үеийн дуу хөгжим, бүжгийн соёлыг дэмжиж, электроник хөгжмийн шинэлэг урсгал чиглэлээр тоглож буй чадварлаг DJ уран бүтээлчид болох MMP TMk, Araatan, Anar, Henza, Enkoolion, BTR, The Cosmic Bangerz, The Cafune болон реппер Цэцэ, Дандий, Mrs M, Lil Thug E, Punk and Rap, Ice top зэрэг хамтлаг дуучид, орчин үеийн бүжгийн Aim4r Production, Freedom city хамлагуудын тоглолтыг хүргэхээр зэхэж байна.

Хоггүй Монгол, Найрсаг Улаанбаатар санаачилгуудыг бодитоор сурталчлан дэлгэрүүлэх Hunnu Music Festival наадмын талбайд шинэ үеийн Монгол Брэнд худалдаа, Hand up Crew спорт дугуйчдын үзүүлбэр, элсний воллейбол, хуурай газрын дарвуулт завьны уралдаан, UVT машины туршилтын жолоодлого зэрэг хөгжилтэй мөн зугаатай энтертайнмент арга хэмжээнүүд явагдана. 

Hunnu Music Festival нь зүүн хойд Азийн энгэрт нүүдэлчдийн тал нутагт зуун зуун жилээр нутаглаж хүчирхэг гүрнийг нэгэнтээ цогцлоож байсан Хүннүчүүдийн нэр алдрыг олон улсад дуурсгах Дэлхийн хэмжээний орчин үеийн хөгжмийн наадам нэрээр зохион байгуулагдахад ийнхүү бэлэн болоод байна.

Женко Тур Бюро ХК-ийн санаачилгаар 2014 оноос эхлэн жил бүр зохион байгуулагдаж буй Олон Улсын Hunnu Music Festival нь орчин хөгжмийн бүхий л урсгал, чиглэлийг таашаан сонсдог залууст нэр алдар, ур чадвараараа дэлхийн хэмжээнд үнэлэгдсэн DJ нар болон Монголын шинэ залуу уран бүтээлчдийн тоглолтыг эх орондоо үзэж, сонирхох боломжийг бүрдүүлж өгдөг хөгжмийн наадам юм. 

Түүнчлэн Hunnu Music Festival нь олон мянган жилийн тэртээх Монголчуудын өвөг дээдсийн баялаг их түүхийг олон улсад сурталчлан таниулж, Монгол улсын аялал жуулчлалын хөтөлбөрийг орчин үеийн дуу хөгжмийн брэнд арга хэмжээгээр баяжуулах зорилготой. Hunnu Music Festival нь залууст “Хоггүй Монгол”, “Найрсаг Улаанбаатар” уриалгыг сануулахаас гадна цэнгэг агаар, цэмцгэр байгальд амралт чөлөөт цагаа зөв боловсон өнгөрөөх таатай орчныг бүрдүүлэхийг зорьж байна.

Анх  2014 оны зун зохиогдсон наадамд дэлхийн ТОП 100 DJ жагсаалтад бичигдсэн DJ Max Graham болон DJ Derrick Anthony, DJ Benjamin Kim, DJ Smith Agent Smith нар оролцож байсан бол энэ жилийн наадамд дэлхийд авьяас чадвараараа ид гялалзаж буй DJ TOKiMONSTA, Benjamin Kim, Yann Caveille албан ёсоор оролцохоор болоод байна.

    -MMP TMk
    -Henza
    -Araatan
    -Anar
    -Enkoolion
    -BTR
    -The Cosmic Bangerz

    -The Cafune нар электроник хөгжмийн бүхий л урсгал чиглэлээр тоглохоос гадна Цэцэ, Дандий, Ice Top, Lil Thug E, Mrs.M, Punk and Rap зэрэг орчин үеийн залуусын таашаан сонсдог хамтлаг дуучид уран бүтээлээ хүргэнэ. Мөн орчин үеийн бүжгийн Aim4R Production,  Freedom city хамтлагууд оролцоно.

Наадмын үнэ төлбөргүй автобус 7-р сарын 14-ны өдрийн 11:00 цагаас эхлэн Баянгол зочид буудлын төв оффисоос Цонжин Болдог хүртэл 2 цаг тутамд тогтмол хуваарын дагуу 19 цаг хүртэл үйлчлэх бөгөөд Улаанбаатар луу ирэх автобус шөнө 02:00-05:00 цаг хүртэл явна.

Наадмын энгийн тасалбар 30,000₮ бөгөөд

     - 5 хүний багц тасалбар 120,000₮
     -10 хүний багц тасалбарыг 200,000₮-өөр авах боломжтой.

Харин VIP тасалбар 7-р сарын 13-ныг дуустал 20 хувийн хөнгөлөлттэй үнээр буюу 80,000₮-өөр худалдаалагдаж байна. VIP оролцогчид 7 сарын 15-нд наадмын after-party-д оролцох эрхтэй.  Мөн наадмын үеэр дараах үйлчилгээг авах юм.
     -1 ширхэг Red bull, 1 ширхэг пиво үнэгүй
     -Тусгай машины зогсоол
     -Тусгаарлалт бүхий зочдын хэсэг
     -Xome Club House-ийн  Коктейль баарны үйлчилгээ
     -Afterparty-нд оролцох эрх
     -Тусгай ариун цэвэрийн үйлчилгээ