“ГОВЬ” ХК CASHMERE CULTURE CAMP –ийг танилцууллаа

Монгол Улсыг аялал жуулчлалын нөөцөөрөө үнэ цэнэтэйд орох газар хэмээн тодорхойлдог. Жуулчид, аялагчид байгалийн сайхантай танилцахаас гадна Улаанбаатар хотын түүхийн дурсгалт газрууд болон үзвэр үйлчилгээтэй танилцдаг. Гэтэл хотод маань сувенир, үндэсний үйлдвэрлэгч, үндэсний язгуур урлаг зэрэг үзвэр үйлчилгээ төвлөрсөн газар бараг байдаггүй. Тэгвэл та бүхэндээ дуулгах сайхан мэдээ байна.

Замын түгжрэлд үнэт цаг зав, мөнгөө гарздахгүй нэг дороос бүхий л үйлчилгээг авах боломжийг CASHMERE CULTURE CAMP танд олгож байна.

“Говь” ХК Мираж ресторан, “Гэр” сувенирын дэлгүүр, Чингис хаан вакс музей, “Домогт нүүдэлчид” чуулгатай хамтран аялал жуулчлалын байгууллагууд, Аялал жуулчлалын холбоо, хөтөч орчуулагч, жолоочдоо урин оролцуулж энэхүү төвлөрсөн үйлчилгээгээ танилцуулах хүлээн авалт зохион байгуулжээ. Харин энэ тухай мэдээллийг бид та бүхэндээ онцлон хүргэж байна. Эх орны түүх соёлын дурсгал, үндэсний үйлдвэрлэлээ сурталчлах цаашлаад аялал жуулчлалын салбарын хөгжилд түлхэц болох төвлөрсөн үйлчилгээг санал болгож байгаад тус салбарынхан талархаж буйгаа хүлээн авалтын үеэр илэрхийллээ.

Жуулчид, аялагчид CASHMERE CULTURE CAMP-ийг зорин ирснээр өнгө дизайны өргөн сонголттой, чанартай ноолууран бүтээгдэхүүн худалдан авахын зэрэгцээ загварын шоу үзэх, Монголын хамгийн том бэлэг дурсгалын гэр дэлгүүрээр зочлох, Чингис хаан болон түүний баатруудын лааны тосон музейг сонирхох, ая тухтай ресторанаар үйлчлүүлэн тансаг хоол зооглонгоо Монголын үндэсний язгуур урлагийн тоглолтыг үзэх дээд зэрэглэлийн цогц үйлчилгээг авах боломжтойг онцолж байлаа. Та бүхэн ч гэсэн CASHMERE CULTURE CAMP-аар зочлоорой.