“СЭНГҮР ФАНАТ 2015” тэмцээн эхэллээ

Сэнгүр брэнд МҮСБХолбоотой хамтран “СЭНГҮР ФАНАТ 2015” сагсан бөмбөгийн тэмцээнийг зохион байгуулж байгаа бөгөөд тэмцээний нээлт энэ сарын 20-нд Спортын төв ордонд боллоо. Үндэсний Супер лигийн “Плей-Офф”-д шалгарсан 8 багийн үнэнч хөгжөөн дэмжигчдийн дунд “СЭНГҮР ФАНАТ” тэмцээн нь зохион байгуулагдаж байгаа ба тэдэнд Монголын хамгийн том, мэргэжлийн сагсан бөмбөгийн тэмцээн “Үндэсний супер лиг”-т тоглож байгаа мэдрэмжийг амтлах боломжийг олгож байгаараа онцлог юм.

Супер лигийн үнэнч хөгжөөн дэмжигчид Санчир, Билгүүн зэрэг шилдэг сагсчид шиг өөрсдийн багийнхаа үнэ цэнэтэй тоглогч нь байх, дэмждэг багийнхаа нэрээр дуудуулан талбайд тоглохыг мөрөөддөг. Тэгвэл энэ мөрөөдлөө биелүүлэх боломжийг СЭНГҮР брэнд олгож байна.

Тухайн багийн эзэн нь буюу спонсорлогч компани/хувь хүн хөгжөөн дэмжигчдийнхээ багиинхаа бүрэлдэхүүнд багтаж, супер лигийн үндсэн багийнх нь шилдэг тамирчин дасгалжуулах юм. Мэргэжлийн лигт тоглох боломж олдохгүй ч дэмждэг багийнхаа нэрээр дуудуулан тухайн багийнхаа нэртэй өмсгөлтэйгээр сагсан бөмбөгийн талбайд өрсөлдөх боломжийг олгож байгаа уг тэмцээн нь АРВАН САЯ төгрөгийн шагналын сантайг дуулгахад таатай байна.

“СЭНГҮР” брэнд нь 2007 оноос хойш өнөөдрийг хүртэл Монголын сагсан бөмбөгийн спортыг тэр дундаа мэргэжлийн сагсан бөмбөгийг хөгжүүлэхэд үнэтэй хувь нэмрээ оруулан, ерөнхий ивээн тэтгэгчээр тасралтгүй ажиллаж байна.

Холбоос:
https://www.facebook.com/sengurbrand
https://www.facebook.com/events/424799451027283/