Амьдрал түүнийг шийтгэсэн ч, сонирхлоо хаяагүй бүсгүй

25 настай Бетани Хэмилтон багаасаа эхлэн серфингээр хичээллэж эхэлсэн бөгөөд 8 настай байхдаа олон төрлийн тэмцээнд оролцож нэлээд их шагналын эзэн болсон байна. Гэтэл 13 настай байхдаа тэрээр аварга загасны дайралтанд өртөж, зүүн гаргүй болж, азаар амьд гарчээ. Үүнээс хойш бүсгүй олны анхаарлыг татах болжээ. Тийм аймшигтай явдлын дараа ч бүсгүй спортоо хаяагүй юм.

Харин одоо мэргэжлийн серфингийн тамирчин хос болох Бетани Хэмилтон болон Адам Диркс нар анхныхаа үрийн зулайг үнэрлээд ихээхэн жаргалтай байгаа гэнэ. “Би жирэмсэн байх үедээ ч серфингээрээ хичээллэж байсан” -хэмээн бүсгүй ярьжээ.

Тэрээр 13 настай байхдаа Хавайн арал дээр зүүн гар болон цусныхаа 60%-ийг алдсан юм. Багаасаа серфинг хийж, төрөл бүрийн тэмцээн уралдаанд оролцож байнга ямар нэг байр эзэлдэг байжээ. Азгүй зүйл тохиолдсоны дараа хүн бүр түүнийг спортоо орхино хэмээн бодож байсан ч, тэр орхиогүй. Тэр бүхнийг шинээр сурч эхэлсэн бөгөөд 2004 оноос дахин тэмцээнд оролцож шагналт байруудыг эзлэх болсон юм. 2010 онд тэрээр дэлхийн хамгийн шилдэг тамирчдын 10-т багтсан байна.

Нэг гартай үед хүүхэд харахад хэцүү биш үү хэмээн асуухад: “Би нэг гартай гэдгээ мартчихдаг юм. Живхийг нь солих хэцүү байдаг ч би бүх зүйлд дасан зохицохыг эрмэлздэг” -гэжээ.

www.caak.mn

Бетанигийн энэ түүх олонд итгэл, тэсвэр, тэвчээр хайрласан бөгөөд тэрээр: “Тавцан дээр гарахын тулд шаардагдсан хүч чадал” -хэмээх номоо бичсэн байна. 2011 онд түүний номны дагуу кино хийжээ. Үүнээс гадна тэрээр илтгэгч болж, хүмүүст амьдрах эрч хүч, аз жаргал хайрлах болжээ.