Бүх Оддын тоглолтын эхний өдөр буюу 1-р сарын 30-нд Монгол Улсын Залуучуудын шигшээ баг залуу Легионерүүдын багтай халз тоглолт хийж Легионерүүдын баг 95:85 харьцаатай хожил авлаа. Монголын баг болон Легионерүүдын баг хооронд болсон “SKYTEL SKILLS CHALLENGE” ур чадварын тэмцээнд “Гэгээн хангай Лидер” багийн хамгаалагч О.Цэлмэг 30 секундэд даалгавраа амжилттай гүйцэтгэж ивээн тэтгэгч Скайтелийн группын хамгийн сүүлийн үеийн ухаалаг утас, азын дугаарын эзэн болсон юм. Тэгвэл 3-н онооны шидэлтийн тэмцээнд “Хан Талстын Ирвэсүүд” багийн хамгаалан тоглогч Micheal Pugh эхний өдрийн гурван онооны шидэлтийн тэмцээнд түрүүлсэн.
Тоглолтын 2 дахь өдөр зохион байгуулагдсан бас нэгэн сонирхолтой тэмцээн болох Shooting Stars багийн тэмцээнд нийт 8 баг дасгалжуулагч, холбон тоглогч, эмэгтэй тамирчин, багийн эздийн хамт оролцсоноос багийн эзэн н.Үнэнбүрэн, дасгалжуулагч н.Отгондарьтай “Сентоза Арслангууд” баг түрүүлж ивээн тэтгэгч Скайтел группын гарын бэлэг, ухаалаг утас, азын дугаарын эзэд боллоо.
Бүх оддын хамгийн үнэ цэнэтэй тоглогчоор Б.Билгүүн шалгарч Скайтел группын нэрэмжит хамгийн үнэ цэнэтэй шилдэг тоглогчийн шагнал 1,000,000₮-ийн эзэн боллоо. МVP-гээр шалгарсан Б.Билгүүн нь 21 оноо, 5 самбар, 2 оновчтой дамжуулалт хийн үзэгчдийг доргиосон шилдэг хамгаалалт, довтолгоог хийж бусдаас илүү тоглолтыг үзүүлж байлаа.
Тоглолтын 3 дахь өдөр үзэгчдийн хүсэн хүлээсэн Монгол Улсын Шигшээ баг Америкийн легионеруудын хоорондын халз тоглолт нь Буянт–Ухаа спортын ордон үзэгчдээр дүүрэн ширүүхэн тоглолт болж Монгол Улсын шигшээ баг 102:98 оноотойгоор ялалтыг авч шилдэг баг гэдгээ дахин нотолон харуулсан юм.
Скайтел Групп цаашдаа Монголын залуучуудын дунд хамгийн их сонирхдог сагсан бөмбөгийн спортыг дэмжих, тамирчдын ур чадварыг дээшлүүлэх, мэргэжлийн түвшинд хөгжүүлэх, олон нийтэд өргөнөөр сурталчлахад хувь нэмрээ оруулах зорилго тавин ажиллаж байна.
Видео.
Уучлаарай энэ мэдээнд oдоогоор
сэтгэгдэл бичих боломжгүй байна.