Энэ булан нь эротик материал агуулж байгаа бѳгѳѳд хэрвээ та 18 нас хvрсэн бол "18нас хүрсэн" товчон дээр дарах, эс бѳгѳѳс "хаах" товчон дээр дарна уу!
Та хүнийг гадаад байдлаас хэр урт наслахыг нь хэлж болдог эсвэл зөгий хүний царай таньдаг гэдгийг мэдэх үү? Энэ бүхнийг мэдэхийг хүсэж байгаа бол, энэ ер бусын зүйлсийн талаар хожим хүүхдүүддээ ярьж өгөх мэдээллийг бид танд хүргэхээр бэлтгэлээ.
Намхан хүмүүс бусадтай өөрийгөө байнга харьцуулж явдаг учраас илүү амархан бухимддаг гэнэ.
Дани улсын эрдэмтэд наснаасаа залуу харагддаг хүмүүс илүү урт насалдаг болохыг тогтоожээ. Учир нь ийм хүмүүсийн бодисын солилцоо нь илүү идвэхтэй байдаг аж.
Хүн дунджаар 7-8 цаг унтаж байж нойроо авдаг. Харин зарим хүмүүс "hDEC2" нэртэй генийн мутацад орсноор 4 цаг унтаад л нойроо авч чаддаг болжээ.
Түүхий усыг хөлдөөвөл манантай юм шиг болдог бол буцалсан усыг хөлдөөвөл тунгалаг мөс гаргаж авдаг ажээ.
Хүүхэд гэдсэнд байхдаа тодорхой хэмжээний ховор эрдсийг эхийнхээ бодисын солилцоонд нийлүүлж улмаар зүрхийг нь эмчилдэг байна.
Дэлгүүрүүд гоо сайхны бараагаа сурталчлахын тулд хүмүүс чөлөөтэй хэрэглэж болох бүтээгдэхүүний үзүүлэн буюу "тест" бараа болгон тавьдаг. Гэвч тэдгээрийг хэт олон хүн хэрэглэдэг учраас дээр нь төрөл бүрийн нян, шимэгч зэрэг үрждэг байна.
Зөгий судлаач нар удаан хугацааны турш судалгаа явуулсны эцэст зөгийнүүд хүмүүсийг нь хооронд нь царайгаар нь ялгаж чаддаг болохыг тогтоожээ.
Эх хүн хүүхдэдээ хайртай учраас үнсдэг. Харин эрдэмтэд үүний цаана өөр шалтгаан байгааг тогтоожээ. Ээжүүд нялх хүүхдээ үнссэнээр өөрийн дархлааны системээс хуваалцаж хүүхдээ тодорхой хэмжээний өвчнөөс хамгаалдаг байна.
Томоохон гар утасны компаниуд Израилийн зах зээлд утсаа гаргахын тулд еврейчүүдийн шашны ёс жаягт нийцсэн утас үйлдвэрлэдэг болжээ.
Америкийн Мичиганы Их сургуулийн эрдэмтэд эмэгтэйчүүд хүний яриаг сонсохдоо зүүн болон баруун тархиа ашигладаг бол эрчүүд зөвхөн зүүн тархиа ашигладаг болохыг тогтоожээ.
Цаас хэдийгээр амархан задардаг ч агаарт ялгаруулж буй хий нь гялгар уутнаас илүү хортой аж.
Хүмүүс хөгшрөхийн хэрээр эрч хүч нь буурдаг бөгөөд тэр хэрээр цангах мэдрэмж нь багасдаг гэнэ. Гэхдээ энэ нь хүний биед илүү бага ус шаардагддаг болно гэсэн үг биш. Эрүүл байхын тулд цангаагүй ч гэсэн залуугийнх шигээ ус ууж байх хэрэгтэй.
XX зууны эхээр рентген туяа өргөн хэрэглээнд нэвтрэхийн зэрэгцээ хүмүүс гутал нь хэр таарч байгааг мэдэхийн тулд рентген зураг авахуулдаг байжээ. Гэхдээ тухайн үед рентген аппарат хэт их цацраг туяа ялгаруулдаг нь тогтоогдсон учраас улмаар хэрэглээнээс хасжээ.
1980-аад онд АНУ-ын тахианы фермер компаниуд хараа муутай тахиа уцаартай байдаг учраас илүү бага өндөг гаргаж байгааг анзаарчээ. Тиймээс тэд тахианд зориулан харааны линз гаргаж авсан байна.
Улаан үстэй хүмүүс өвдөлтөд илүү мэдрэмтгий байдаг учраас энгийн хүмүүсээс 19 хувиар илүү мэдээ алдуулалт хийх шаардлага гардаг гэнэ.
Италийн банкнууд пармесан төрлийн бяслаг барьцаалж өндөр зээл олгодог. Учир нь энэ төрлийн бяслагийг хийхийн тулд 2-3 жил зарцуулдаг болохоор өндөр үнэтэй байдаг аж.
Хэрвээ та айлын том бол амархан жин нэмнэ. Харин айлын бага хүүхэд удаан жин нэмдэг байна. Үүний шалтгаан нь эхээс хүүхэд гэдсэнд байхдаа авч буй шим тэжээл нь төрөх тусам буурдагтай холбоотой гэнэ.
