Өнөөдөр iPhone-ы албан ёсны борлуулагч Мобиком Корпораци дэлхий дахинд нээлтээ хийгээд удаагүй байгаа iPhone 6, iPhone 6 Plus гар утаснуудаа УИД, Тэди төв, үйлчилгээний томоохон салбаруудаараа хэрэглэгчиддээ танилцууллаа.

Аpple компани 2014 оны 9-р сарын 12-ны өдөр iPhone 6, iPhone 6 Plus утаснууддаа урьдчилсан захиалга авч, долоо хоногийн дараа буюу 9-р сарын 19-ны өдөр худалдаанд гаргаснаас хойш дээрх загварын 2 утас 24 цагийн дотор 4 сая ширхэг, эхний 3 өдрийн дараах байдлаар 10 сая ширхэг борлуулагдсан амжилтаараа Аpple-ын түүхэнд урьд хожид байгаагүй амжилт үзүүлсэн билээ. Өнөөдөр зохион байгуулагдсан iPhone 6, iPhone 6 Plus утасны танилцуулах өдөрлөгийн 17:00 цагийн байдлаар Мобиком Корпораци 35 ширхэг iPhone 6 Plus, 84 ширхэг iPhone 6, нийт 119 утасны захиалгыг хүлээн аваад байгаа нь Apple компанийн дэлхийн амжилтыг Монголдоо давтаж байна.