Мобиком Корпораци байгууллагын хэрэглэгчиддээ зориулан 2014 оны 9-р сарын 12-нд Дархан хотод “Best of Kharanga” 10-р сарын 22-нд Эрдэнэт хотод “Best of Chinggis Khaan” Mobilive 2014 шоу тоглолтуудыг тус тус амжилттай зохион байгуулж хэрэглэгчиддээ бэлэг барилаа.

Монголын рок попын амьд домог болсон эдгээр хамтлагууд анх 18 жилийн тэрээ үүсгэн байгуулагдсан цагаас нь хойш Мобикомтой хамтран олон арга хэмжээ шоу тоглолтуудад оролцож ирсэн бөгөөд тэд Мобикомын үүрэн холбооны дугааруудыг 18 жилийн турш тасралтгүй барьсаар байгаа үнэнч хэрэглэгчид гэдгээ ч Эрдэнэтчүүд, Дарханчуудаа хандан бахархалтайгаар хэлж байсан юм.

Мобиком Корпорацийн зүгээс анх байгуулагдсан цагаас эхлэн одоог хүртэл хамтран ажиллаж, хөгжил дэвшил, ололт амжилтаа бататган, хамтдаа туулж ирсэн цаг хугацааг хүндэтгэн, Эрдэнэтчүүд, Дарханчууддаа зориулан энэхүү арга хэмжээг зохион байгуулж байгаа билээ.

Эрдэнэт, Дархан хот нь хүн амын тоо, хөгжлийн түвшингээрээ Улаанбаатар хотын дараа ордог, манай улсын том хотууд бөгөөд 10-аас дээш ажилтантай нийт 500 орчим аж ахуйн нэгж, байгууллагууд үйл ажиллагаа явуулж байгаагаас ойролцоогоор 80 хувь нь бидэнтэй хамтран ажиллаж байна.

Мөн Дархан, Эрдэнэт хотуудад байгууллагын хэрэглэгчдэд чиглэн үйлчилгээ үзүүлэх харилцагч хариуцсан менежер, Dedicated инженерийн баг шинээр томилон ажиллуулж эхэлсэн нь хэрэглэгчидтэйгээ илүү ойртон, санал хүсэлтийг тань шуурхай сонсон, хамтран ажиллахад ихээхэн ач холбогдолтой байгаа билээ.

Хэрэглэгчдийнхээ өсөн нэмэгдэж байгаа дата хэрэгцээнд тулгуурлан сүлжээний хамрах хүрээ багтаамжийг нэмэгдүүлэн, хөрөнгө оруулалт бүтээн байгуулалтын ажлуудыг намрын халуун өдрүүдэд амжууллаа. Дархан хотод баруун бүсийн төв шинэ Тэди салбарын нээлтийг хийсэн бол тун удахгүй Монгол Улсад анх удаа орон нутагт байрлах олон улсын стандартад нийцсэн Tier-3 түвшний дата төвийг байгуулахаар зорин ажиллаж байна.

Тоглолтыг эрдэнэтчүүд, дарханчууд танхим дүүрэн үзсэн бөгөөд Мобикомын зүгээс зохион байгуулж буй арга хэмжээнүүдийн талаар сэтгэл хангалуун байгаагаа илэрхийлсэн юм. Чингис хаан хамтлаг гэхэд л Эрдэнэт хотод 2008 оноос хойш очиж тоглолт хийгээгүй байсан нь үзэгч фенүүдийх нь хувьд маш их хүлээлт үүсгэсэн байсан юм.

Тоглолтын үеэр олон олон сюрпризүүдийг үзэгч, хэрэглэгчиддээ барьсанаас азтай үзэгчид шалгаруулах,  “Харанга, Чингис хааны дууг хэн сайн дуулах вэ” тэмцээний аз од нь гийсэн ялагчдыг Samsung брэндийн гар утаснууд, азын дугаар, нэгж, мөнгөн шагналууд, Чингис хаан хамтлагийн цомог мөн бусад гарын бэлэгнүүдээр шагнаж гэнэтийн сонин бэлэгнүүдээр үзэгчдээ баярлууллаа.