Дуучин бүсгүйн эмнэлэгт хэвтсэн шалтгаан нь өндрийн эсвэл уулын гэж нэрлэгддэг өвчин туссан байна. Тэрээр «ArtRave: The Artpop Ball» нэртэй аялан тоглолтынхоо хүрээнд хийсэн Колорадо мужийн Денвер хотноо болсон тоглолтынхоо дараа эмнэлэгт хэвтжээ.

40 сая гаруй дагалдагчтай «Твиттер»-тээ  Леди Гага хүчил төрөгчийн масктай авсан өөрийн зургаа  тавин сэтгэгдлээ хуваалцсан байна. «Өндрийн өвчин ч тоглоом биш юм байна!» —хэмээн зургийн дор нь бичжээ.


Мөн тэрээр аялан тоглолтын өмнөхөн буюу энэ оны дөрвөн сард шүдээ авахуулсан байна. Энэ талаар тэрээр, «Аялан тоглолтынхоо өмнө шүдээ авахуулсан. Одоо блендертсэн тефтель л идэж байх болж байна даа.»-хэмээн бичсэн байна.

Үүний зэрэгцээ хорио цээрээс болж дуучин бүсгүй Японд болох тоглолтондоо франц үүлдрийн "Ази" нэртэй бульдогоо авч явж чадахгүй байгаа ажээ. «Тэд ази руу нохойг минь явуулахгүй гэж байгаа. Бүх учир хорио цээрт байгаа юм байх. Токиод би хайртай охингүйгээр юу хийхээ мэдэхгүй байна. Би хичнээн их юм төлөвлөсөн байсан гээч!»- хэмээн бичжээ.