Дэлхийн хамгийн өвөрмөц модель

Бид фотомодель гэж ямар хүмүүс болохыг сэтгүүлийн нүүрнээс харснаар мэддэг болсон. Тэд төгс галбир, сайхан царай, сайхан үстэй байдаг. Тэгвэл 25 настай фотомодель Мелани Гайдос (Melanie Gaydos) энэ бүхнээс тэс өөр юм.

Түүнийг заримдаа хүмүүс хараад гайхан алмайрдаг. Харин Меланитай хэсэг хугацаанд харицсаны дараа тэдний бодол өөрчлөгдөж, түүнийг энерги сайтай, эрч хүчтэй, сайхан сэтгэлтэй бүсгүй болохыг мэддэг байна. Мелани дотоод гоо үзэсгэлэн гэгч юу болохыг харуулж чадсан нэгэн юм.

Мелани Гайдос АНУ-д ажиллаж амьдардаг бөгөөд одоо 25 настай. Тэрээр нэлээд эрэлт хэрэгцээтэй модель бөгөөд боломжтой бүхий л зураг авалтанд оролцдог. Түүний хувьд нэг л өдөр гоо сайхны талаар бодол нь өөрчлөгдсөн гэнэ.

Мелани Гайдос өсөлт хөгжлийн гажигтай юм байна. Энэ өвчин нь арьсны хөгжил, хумс, үсний ургалтанд нөлөөлдөг бөгөөд заримдаа ясны хэлбэржилтэнд нөлөөлдөг аж.

www.caak.mn

Гайдос нэлээд хүнд хэлбэрийн өвчнийг туссан учир ийнхүү өөрчлөлттэй байгаа гэнэ.

www.caak.mn

Гадаад төрхөөсөө үл хамааран Мелани аз жаргалтай амьдарч байгаа бөгөөд маш олон найзтай. Түүний найз нарын дунд алдартай гэрэл зурагчид, хөгжимччид, найруулагчид бий.

www.caak.mn

Тэрээр, Rammstein хамтлагын "Mein Herz brennt" дууны клипэнд тоглосноор олонд алдартай болсон байна.

Тэр маш олон найзтай бөгөөд үүний гол шалтгаан нь түүний сайхан сэтгэлд оршино хэмээн Меланигийн найз Жим Жармуш ярьжээ.

www.caak.mn