"Ухаалаг цаг"- ны давуу тал нь энерги бага зарцуулдаг 2 процессортой бөгөөд тэдний нэг болох "ARM Cortex-M4" нь "Agent"-тай ажиллахад туслах бол, нөгөө нь бусад үед цагийг ажиллуулах үүрэгтэй юм байна. Энэ цаг нь 1.28 инчийн дэлгэцтэй бөгөөд гэрэлтүүлэгч, вибратор, Bluetooth 4.0, "Qi" хэмээх утасгүй цэнэглэлтийн системтэй аж.

Харин зайны хувьд "Agent"-ыг долоо хоногийн турш ашиглах, харин цагийг нь 30 хоногийн турш ашиглаж болох юм байна. Энэ цаг нь ухаалаг гар утастай тань холбогдож, утсан дээр чинь ирсэн дуудлага болон msg-ийг харуулах гэнэ. Үүнээс гадна хэрвээ та утсаа хаа нэгтээ мартчихвал "Agent" танд сануулах юм байна. Энэ төхөөрөмж нь iPhone 4S болон бусад Android 2.3-аас дээш бүхий л төрлийн ухаалаг утастай холбогдох гэнэ. Цагийг 2013 оны 12 сард үйлдвэрлэхээр төлөвлөж байгаа бөгөөд нэг бүрийн үнэ нь $249, эсвэл цэнэглэгчтэйгээ хамт $299-ын үнэтэй байх аж.