Таг-Азын үйлдвэрлэгчид энэхүү хүлгийг дөрвөн хаалгатай байхаар төлөвлөсөн байна. Өмнө нь бол энэхүү хүлэг 5 хаалгатай, хэтчбек байсан билээ.



Тэгвэл олон нийтийн мэдээллийн хэрэгслүүдээр энэхүү загварыг нэлээд шүүмжилсэн бөгөөд хуучинсаг, салон нь нүдэнд тусахуйц биш хэмээн үнэлсэн байна.



3 сард гарах энэхүү худалдаагаар, худалдан авагчдад зөвхөн нэг л төрлийн хөдөлгүүртэй хүлгийг санал болгож байгаа бөгөөд энэ нь 1.6 мотортой 107 морины хүчин чадалтай байх юм. Сонирхуулахад энэхүү хөдөлгүүрийг Mitsubishi-ийн үйлдвэрт хийж байгаа гэнэ.



Энэхүү хөдөлгүүр нь 5 араатай байх аж.



Одоогийн байдлаар 13,800$-ын үнэтэй нэг л хувилбар гаргах юм байна.



Харин дилерүүдээс худалдан авбал энэхүү үнэ бага зэрэг өсөх магадлалтай. Энэ ханшинд хүргэлтийн үнэ багтаагүй байгаа аж.



Салоны дотор тал нь улаан, хар хосолсон өнгөтэй байх аж.



Ерөнхий төхөөрөмжүүдэд хамгаалалтын дэр, хөгжим, халаагуур, хөргөлтийн систем гэх мэт нэлээд хэдэн зүйл багтсан байна.



Харин хяналтын самбар нь Chevrolet Lacetti-тай ихэд адилхан гэнэ.



Дизайнерүүд болон механикүүд энэхүү загварыг бүтээхдээ ихэд энгийнээр хийхийг хичээсэн бололтой.



Уг хүлэг захиалга ихтэй байгаа бөгөөд шинэ TagAZ Aquila-г тун удахгүй дэлхийн замаар хурдлах нь ээ.