“Summit Cup 2012” нээлтээ хийлээ

Xerox
2012-10-30, 18:37
МАРКЕТИНГ
12,708
0
Хуваалцах
“Саммит Компьютер Технологи” ХХК нь 2010 оноос эхлэн 13 хүртэлх насны хүүхдүүдийн дунд “Summit Cup” нэртэй хөлбөмбөгийн тэмцээнийг жил бүр уламжлал болгон зохион байгуулсаар ирсэн юм. Энэ жилийн хүрээнд цар хүрээгээ өргөтгөн Монголын хөлбөмбөгийн холбоотой хамтран “Summit Cup-2012” өсвөр үе, насанд хүрэгчдийн футзалын тэмцээнийг зохион байгуулах гэж байна. Арваннэгдүгээр сарын 7-ноос арванхоёрдугаар сарын 2-нд “Футзалын ордон”-д болох тэмцээний нээлтийн үйл ажиллагаа аравдугаар сарын 28-нд Сүхбаатарын талбайд боллоо.
“Summit Cup 2012” нээлтээ хийлээ





Энэхүү нэр хүндтэй тэмцээн хөвгүүдийн 13, 15, 17 хүртэлх насны гэсэн гурван ангилалд болно. Нээлтийн ажиллагааны үеэр “Саммит” клубийн 13 хүртэлх насны баг эсрэг багийн тоглогчдоос бүрдсэн багтай нөхөрсөг тоглолт хийж, 1:0-ээр хожсон.

Нээлтийн ажиллагаанд хүрэлцэн ирсэн хөлбөмбөгчдийг уйдаагаагүй нэгэн арга хэмжээ нь жонглёрын тэмцээн байв. Тэмцээний аваргуудыг хөлбөмбөгийн бөмбөг, тоглолтын өмсгөл хүлээж байсан нь өрсөлдөөнийг улам ширүүсгэсэн. 13 хүртэлх насны ангилалд Э.Сүхбат (Саммит клуб) 60, 15 хүртэлх насны ангилалд М.Энхтүвшин (Саммит) 337, 17 хүртэлх насны ангилалд Э.Лхагвасүрэн (Хоромхон) 801, насанд хүрэгчдийн ангилалд Ж.Гүег (Вестерн) 638, эмэгтэйчүүдийн ангилалд Мөнхчимэг (ЮБ Юнайтед) 84 жонглёрдож аваргалсан юм.











“Summit Cup-2012”-ын 13 хүртлэх насны ангилалд 16, 15, 17 хүртэлх насны ангилалд тус бүр 13 баг хүч үзэхээр болсон. Тэмцээний сугалааг дороос сонирхоно уу.

13 хүртэлх нас
“А” хэсэг: Соёмбын барсууд, Дэрэн Сүмида, Их буучид, Хаан ханс-Титэм
“В” хэсэг: Зөгийнүүд, Хоромхон, Саммит, ИНХ
“С” хэсэг: Хад, Арвис, Хасын хүлгүүд, Шинэ Яармаг
“D” хэсэг: УБДуС, Сэлэнгэпресс, ЮБ Юнайтед, ОУЦ-Хараацай

15 хүртэлх нас
“А” хэсэг: Шинэ Яармаг, Зөгийнүүд, ЮБ Юнайтед, Соёмбын барсууд
“В” хэсэг: ОУЦ-Хараацай, Арвис, Саммит, Хаан хүнс-Титэм
“С” хэсэг: Хоромхон, Дэрэн Сүмида, Хад, УБДуС, ИНХ

17 хүртэлх нас
“А” хэсэг: Хоромхон, Соёмбын барсууд, Баянзүрх дүүрэг, Арвис
“В” хэсэг: ОУЦ-Хараацай, Эрчим, Хаан хүнс-Титэм, Шинэ Яармаг
“С” хэсэг: ЮБ Юнайтед, Хасын хүлгүүд, Зөгийнүүд, Саммит, Сэлэнгэпресс




ЭНЭ МЭДЭЭ ТААЛАГДСАН БОЛ ШЭЙР ХИЙГЭЭРЭЙ.

0
таалагдаж байна

0
таалагдахгүй байна

Сэтгэгдэл

Уучлаарай энэ мэдээнд oдоогоор
сэтгэгдэл бичих боломжгүй байна.