Сан-Себастьяны 60 дахь удаагийн “Кино наадам”

Сан-Себастьяны энэхүү кино наадам нь Испани хэлтэн орнуудын хувьд хамгийн эртний, хамгийн алдартай наадам юм. Энэхүү кино наадам 9-р сарын 29-нд өндөрлөсөн байна. Наадамд дэлхийн алдартай одууд болох Юэн Макгрегор, Жон Траволта, Сьюзен Сарандон, Ричард Гир, Томми Ли Жонс, Пенелопа Крус, Моника Беллуччи, Бен Аффлек болон олон олон алдартнууд оролцжээ. Хамгийн гол шагналыг Францын кино найруулагч Франсуа Озон “Гэрт” (фр. Dans la maison) киногоороо хүртжээ. Хамгийн шилдэг үйл явдалтай киногоор Испанийн жүжгийн зохиолч Хуан Майорги нь жүжгийн зохиолоос сэдэвлэн хийсэн “Сүүлийн ширээний хөвгүүн” (исп. El chico de la última fila) шалгарсан бол хамгийн шилдэг найруулагчаар “Зураач болон түүний модель” киногоороо Фернандо Труэба шалгарсан байна.

Мөн кино наадмын үеэр кино урлагийг хөгжүүлэх үйл ажиллагаанд хөрөнгө оруулалт хийсэн хүмүүсийг шагнасан бөгөөд энэхүү шагналыг Томми Ли Жонс, Жонн Траволте болон Юэн Макгрегор нар хүртсэн. Ингээд энэхүү одуудын гэрэл зургийг хүлээн авч үзэцгээе.

Гайхалтай Пенелопа Крус. (REUTERS/Vincent West)

Юэн МакГрегор хөрөнгө оруулагчийн шагналаа үзэгчдэд харуулж байна. (REUTERS/Vincent West)

Ричард Гир болон Сьюзен Сарандон нар шүтэн бишригчидтэйгээ мэндчилж байна. (REUTERS/Vincent West)

Ричард Гир. (REUTERS/Vincent West)

Мохаммед Аль Турки, Жастин Наппи, Лаура Бикфорд, Николас Жареки, Ричард Гир болон Сьюзен Сарандон. (Carlos Alvarez/Getty Images Europe)

Сьюзан Сарандон хэвлэлийн хурлын үеэр. (REUTERS/Vincent West)

Пенелопа Курс “ Хоёр удаа төрсөн” киноны нээлтийн үеэр найруулагч Сержо Кастеллиттогийн хамтаар. (REUTERS/Vincent West)

Моника Беллучи "Rhinos Season" киноны нээлтийн үеэр. (REUTERS/Vincent West)

Жонн Траволт Сан-Себьястаны кино наадам дээр өөрийн шүтэн бишригчийн хамт зургаа даруулж байна. Жүжигчин маань кино урлагт хөрөнгө оруулсан хэмээх шагналыг хүртсэн. (REUTERS/Vincent West)