Тесто буюу гурилны зуурмаг:
200 гр маргарин юмуу цөцгийн тос
250 гр бяслаг
3 ширхэг өндөг (+1)
1 цайны халбага сода
3 стакан орчим гурил

Хачирт:
400 – 500 гр байцаа болон мөн хэмжээний татсан мах (гахайн мах+үхрийн мах). Жич: байцааг нь арай их, махыг нь арай бага хийж болно.
Сонгино, давс, перец болон бусад амтлагчид

Эхний алхам:
Байцаагаа урт, нарийн хэрчиж бэлдэнэ.



Хоёр дахь алхам:
Бага зэрэг цөцгийн тос халаагаад, дээр нь сонгиноо үл ялиг шарсныхаа дараа татсан махаа нэмж, хуурна.



Гуравдугаар алхам:
Байцаагаа нэмээд, бүгдийг нь нийлүүлэн зөөлөн гал дээр жигнэж болгоно. Байцааг бараг болмогц давсаар амталж, перец болон бусад амтлагчдаа хийж өгнө.



Дөрөвдүгээр алхам:
Маргаринаа хэрчиж, бяслаг болон содатойгоо холино.



Тавдугаар алхам:
Дээрээс нь өндөгөө нэмж, гурил хийгээд зуурна. Миний хувьд 2,5 стакан гурил ашигласан.





Зуравдугаар алхам:
Бэлэн болсон зуурмагаа хоёр тэнцүү хуваагаад, нэг хэсгийг нь зуухны тавиур дээр дэлгэж тавина. Зуурмаг маш уян зөөлөн, дуулгавартай бөгөөд наалдахгүй болох учраас санаа зовох хэрэггүй. Гэхдээ миний хувьд юмыг яаж мэдэх вэ гээд духовкны тавцан дээр наалддаггүй зориулалтын цаас тавьж байж зуурмагаа дээр нь тавьсан.



Долдугаар алхам:
Зуурмаг дээрээ хачираа тавина.



Наймдугаар алхам:
Хачир дээрээ зуурмагны нөгөө хагасаараа бүтээж өгөөд, ирмэгүүдийг нь нийлүүлэн чимхэнэ. Миний хувьд ирмэгүүд дээр нь сэрээгээр хатгаж, хээ гаргах нь таалагддаг. Дээр нь өндөг түрхээд, зуухандаа хийж, 180 градуст 25-30 минут болгоно.

Гаднах гурил нь аманд хайлаад л бэлэн болсон бяслагтай байцааны пирог маань ямар амттай гээч. Халуун байхдаа хамгийн тааламжтай, хөрсөн хойноо ч гэсэн амттай.