“ICE AGE 4” кино нээлтээ хийлээ

Монголын мэдээлэл холбооны Юнител групп, “Өргөө” кино театр хамтран 2012 оны 9-р сарын 7-ний өдөр хүүхэд, залуучуудын үзэх дуртай “ICE AGE 4” киноны нээлтийг зохион байгууллаа. Нийгмийн хариуцлагынхаа хүрээнд байнгын хамтын ажиллагаатай байдагдээрх 2 байгууллага хичээлийн шинэ жилийг тохиолдуулан оюутан сурагчиддаа “Мөстлөгийн эрин” киног албан ёсоор нээж, бэлэг барьж байгаа гэсэн. Урт хугацааны аялалын туршид тохиолдох хөгжилтэй, адал явдалтай шинэ содон бүхнийг харуулах “ICE AGE 4” киноны нээлтэнд гол дүрийн баатар Сид хүрэлцэн ирж, зочидтой зургаа авахуулж, алиа, марзан зангаараа бусдыг хөгжөөсөн нь бусад киноны нээлтнүүдээс тун онцлог байлаа.

Түүнчлэн Юнител групп, “Өргөө” кино театр “ICE AGE 4” киноныхоо нээлтийн үеэр эцэг, эхийн хайр халамжыг мэдэрч чадахгүй байгаа “Монголын хүүхдийн сан”-ийн бяцхан хүүхдүүдэдбүтэн өдрийн турш ҮСАХ буюу хүүхдийн паркад үнэгүй тоглох эрх болон “ICE AGE 4” киног үзэх урилга бэлэглэсэн юм.

Юнителийн урьдчилсан төлбөрт хэрэглэгчиддээ нэгэн баярт мэдээг дуулгахад GG оноогоо ашиглаж, “Өргөө” кино театрт 50 хувийн хөнгөлөлттэй кино үзэх урамшуулал үргэлжлэсээр байгаа. Тэгэхээр Юнителийн хэрэглэгчид GGоноогоо цуглуулж, өнөөдрөөс 8 хоногийн дараа буюу энэ сарын 16-ны өдрөөс эхлэн цоо шинэхэн “ICE AGE 4” киногоо 50 хувийн хөнгөлөлттэй үнээр үзэх боломжтой юм.

“ICE AGE 4”-ийн адал явдлыг үзэгч та бүхэн “Өргөө” кино театрын 1, 2-р салбараар хүлээн авч үзээрэй.