2 тэрбум долларын үнэтэй байранд яаж амьдардаг вэ?

Эсвэл хэт баян, эсвэл хэт ядуу л хүн гэж байдаг, дундаж орлоготой иргэн гэж байдаггүй. Энэ тодорхойлолт орчин үеийн Энэтхэгчүүдийг санагдуулна. Бид хөл нүцгэн, гуниг дүүрсэн нүдтэй ядуу энэтхэгчүүдийг сайн мэднэ. Тэгвэл хэт баян гэдэг ангилалд нь багтдаг энэтхэгчүүдийн талаар бараг л мэдэхгүй. Тэгвэл Энэтхэгийн тэрбумтангууд яаж амьдардгийг одоо танд харуулах гэж байна. Энэ бол Энэтхэгийн бизнесмэн Мукеш Амбани-гийн 2 тэрбум долларын байр юм.

27 давхартай, 173 метр өндөр энэхүү байшин нь 400 000 квадрат метр талбайтай юм байна. Давхар бүрийг нь өөр өөр, материалаар хийж, нисдэг тэрэгний гурван зогсоолыг байрлуулжээ. Энэ байшинд 9 лифт, 168 машины 6 давхар зогсоол, кинотеатр, хоёр давхар спорт зал, бассейн, дөрвөн давхар цэцэрлэгт хүрээлэн, дээд давхарт нь нислэг удирдах төв зэрэг байрладаг. Мөн нэг давхар нь тэр чигтээ 600 ажилчны байр ажээ. Мөн нэг давхар нь олон хүнээс тусдаа, ганцаараа бясалгахыг хүссэн үедээ ордог газар байхаар тохижуулагдсан байна.

Энэхүү байшингийн эзэд нь дөрвөн гишүүнтэй гэр бүл юм.

Саяхан Vanity Fair сэтгүүл дээр уг байшингийн зургуудаас тавьсан байна. Ихэвчлэн цэцэрлэгт хүрээлэнгийн зургуудыг нь тавьсан бөгөөд удахгүй өөр өрөөнүүдийнх зургуудыг нийтлэнэ хэмээн уншигчиддаа амлажээ.

Байшингийн эзэгтэй.