Шинийн нэгний өглөө зүг мөрөө гаргах

Жилийн эзэн ордны үр нь: Үр чухаг, ой цэцэрлэг хуурайшин, гол мөрний ус татарна. Могой тэргүүтэн хороор амьтныг хөнөөнө. Халуун тэргүүтэн хүмүүний өвчин дэлгэрэх нигууртай. Эм хүчгүй болно. Хатуужлыг үйлдэгчид баяжина. Дотоодын үймээн болж, хямрал дэгдэж болзошгүйг анхаарууштай.

Хаан гарагийн үр нь: Өргөл, өглөг хоёр арвиж юу. Ном төгөлдөртнүүд алдрыг ол юу. Ертөнц тэнгэрээр тэтгэгдэн, үр тэргүүтэн жимс цэцэрлэг дэлгэрмү. Морь, үхэр тэргүүтэн мал арвиж юу. Хур цагтаа бууна. Оюун төгөлдөртөний ухаан орон дэлгэрмү.

Түшмэл гарагийн нөлөөлөл нь: Жилийн эзэн гарагийн үр лүгээ адил болно. Энэ жилийн хувьд наран Загас, Үхэр, Хамтатгах, Охины ордонд байрлах үед хур ус цагтаа бууж, эд адгуурс элбэгжин, ихэс дээдэс буянаар тэтгэх ба бүх зүйл тэгшрэх сайн. Хонь, Арслан, Жинлүүр, Хилэнц, Нумын ордонд байрлах үед сайн. Муугийн магадлал үгүй тул ажил үйлдээ анхаарал байж, элдэв өвчнөөс болгоомжлууштай. Харин Хумх, Мэлхий, Матарын ордонд байрлах үед салхи шуурга гаран, хямрал болохын нигууртай тул сэрэмжтэй байгууштай. "Шороон үхэр"-ийн шинжээр жил хийгээд сар бүрийн эхний хагаст хур сайтай. Хавар, намартаа цас, мөндөртэй. Жилийн дундуур өвс ногоо сайн ургана. Тариа, төмс сайн авна. Жилийн эцсээр өвс сайтай. Харьцангуй салхитай жил болно. Үхэр хариулаач хүүхэд тул хүүхдэд амгалан, хөгшдөд ширүүн, залууст харшлах шалтгаантай. Мал сүрэг сайн ч ард зон хямралдан, дээдэстэй тэмцэлдэхийн нигууртай жил болохыг билэгдэж байна.

Он	Хүйс	Суудал	Үйл
1908, 1916, 1924, 1932, 1940, 1948, 1956, 1964, 1972, 1980, 1988, 1996, 2004, 2012	Эрэгтэй	Гал	хойд зүгт гарч “Ум базар дагийний хум маамаа бизьяа суухай” тарнийг 7-21 удаа уншаад шүдэнз зурж түүнийгээ ус, цасаар унтраан урд зүгээс гэртээ ирнэ. Сундуй, Доржнамжим, Лхам, Ширнэн, Сэдэд зэрэг номыг айлтгуулж суудлын заслаа хийлгэнэ. Хаврын тэргүүн сарын хар нохойн ам нь гал суудлын цог хийморийн зүг зүүн урд зүгт таарч буй тул эмийн зүгт зүглэж цээр гаргаж буй болно.
1912, 1920, 1928, 1936, 1944, 1952, 1960, 1968, 1976, 1984, 1992, 2000, 2008	Эмэгтэй	Гал
1907, 1915, 1923, 1931, 1939, 1947, 1955, 1963, 1971, 1979, 1987, 1995, 2003, 2011	Эрэгтэй	Шороо	баруун зүгт гарч “Ум бадма дагийний хум мамаа бизьяа суухай” -тарнийг 7-21 удаа уншин газарт модны үртэс цацаад баруун урд зүгээс гэртээ ирнэ. Жадамба, Сундуй, Додьгалсан, Санжид молом зэрэг номыг айлтгуулж суудлын заслаа хийлгэнэ
1905,1913, 1921, 1929, 1937, 1945, 1953, 1961, 1969, 1977, 1985, 1993, 2001, 2009	Эмэгтэй	Шороо
1906, 1914, 1922, 1930, 1938, 1946, 1954, 1962, 1970, 1978, 1986, 1994, 2002, 2010	Эрэгтэй, эмэгтэй	Төмөр	баруун урд зүгт гарч “Ум раднаа дагийний хум мамаа бизьяа суухай тарнийг 7-21 удаа уншаад шүдэнз асаан төмөрт хүргээд баруунаас гэртээ ирнэ. Гомбо, Догсүм, Дашзэвэг, 8 гэгээн, Усан балин өргүүлж суудлын заслаа хийлгэнэ.
1905, 1913, 1921, 1929, 1937, 1945, 1953, 1961, 1969, 1977, 1985, 1993, 2001, 2009	Эрэгтэй	Огторгуй	зүүн хойд зүгт гэрээсээ гарч “Ум пагма дагийний хум мамаа бизьяа суухай тарнийг 7-21 удаа уншаад огторгуйд модны үртэс цацаад баруун хойд зүгээс гэртээ ирнэ. Чойжоо, Нити, Намхайнинбындоо, Дүншиг, Банзрагч, Санжидмолом зэрэг номыг айлтгуулж суудлын заслаа хийлгэнэ.
1907, 1915, 1923, 1931, 1939, 1947, 1955, 1963, 1971, 1979, 1987, 1995, 2003, 2011	Эмэгтэй	Огторгуй
1912, 1920, 1928, 1936, 1944, 1952, 1960, 1968, 1976, 1984, 1992, 2000, 2008	Эрэгтэй	Ус	зүүн зүгт гэрээсээ гарч “Ум гарма дагийний хум мамаа бизьяа суухай тарнийг 7-21 удаа уншаад ус асгаад түүн дээрээ шороо хийж хойд зүгээс гэртээ ирнэ. Лхам, Алтангэрэл, Бадамгарав, Лусын балин зэрэг номыг айлтгуулж суудлын заслаа хийлгэнэ.
1908, 1916, 1924, 1932, 1940, 1948, 1956, 1964, 1972, 1980, 1988, 1996, 2004, 2012	Эмэгтэй	Ус
1911, 1919, 1927, 1935, 1943, 1951, 1951, 1959, 1967, 1975, 1983, 1991, 1999, 2007	Эрэгтэй	Уул	баруун хойд зүгт гэрээс гарч “Ум буддаа дагийний хум мамаа бизьяа суухай тарнийг 7-21 удаа уншаад ууланд модны үртэс цацаад зүүн хойноос гэртээ ирнэ. Гомбо, Шалши,Жадамба,Савдагдондолсан,Банзрагч зэрэг номыг айлтгуулж суудлын заслаа хийлгэнэ.
1909, 1917, 1925, 1933, 1941, 1949, 1957, 1965, 1973, 1981, 1989, 1997, 2005	Эмэгтэй	Уул
1910, 1918, 1926, 1934, 1942, 1950, 1958, 1966, 1974, 1982, 1990, 1998, 2006	Эрэгтэй, Эмэгтэй	Мод	хойд зүгт гарч “Ум базар дагийний хум мамаа бизьяа суухай” тарнийг 7-21 удаа уншаад модонд төмөрийн үртэс цацаад зүүн зүгээс гэртээ ирнэ. Гомбо,Сундуй, Дүншиг,Цанжид, Чавдар зэрэг номыг айлтгуулж суудлын заслаа хийлгэнэ.
1909, 1917, 1925, 1933, 1941, 1949, 1957, 1965, 1973, 1981, 1989, 1997, 2005	Эрэгтэй	Хий	урд зүгт гарч “Ум базар пад дагийний хум мамаа бизьяа суухай”тарнийг 7-21 удаа уншаад салхинд модны үртэс цацаад зүүн урд зүгээс гэртээ ирнэ. Лхам, Жадамба,Жүгдэргарнаг,Догсүм, Ширнэн зэрэг номыг айлтгуулж суудлын заслаа хийлгэнэ.
1911, 1919, 1927, 1935, 1943, 1951, 1959, 1967, 1975, 1983.1991, 1999, 2007	Эмэгтэй	Хий

Илүү дэлгэрэнгүй үзэх

Монголчууд минь Сайхан шинэлээрэй.

Мэдээний төрөл

Туслах цэс

Сурталчилгаа