Имплант суулгах нь хөхний хорт хавдраар өвчлөх магадлалыг ихэсгэдэг гэсэн эхний мэдэгдэл 1980 онд гарч байсан. 1999 онд имплант үйлдвэрлэдэг хамгийн том компаниудын нэг болох Америкийн “Dow Corning” компани нь үйлчлүүлэгчдийнх нь дундаас хорт хавдар туссан хүмүүс 170 мянгад хүрсэн тул татан буугджээ.

Францын Poly Impдlant Prothese (PIP) компани нь 1991 оноос хойш төрөл бүрийн эмийн бүтээгдэхүүн үйлдвэрлэж байгаа бөгөөд зах зээлд хэдэн зуун мянган хөхний имплант нийлүүлжээ. PIP-гийн хөхний суулгац нь хамгийн өндөр чанартайд тооцогддог байсан цаг саяхан. PIP фирм нь хөхний имплантандаа маш сайн нягтралтай силиконон гель болон физикийн уусмал ашигладаг гэдэг байжээ. Тэдний хэрэглэдэг гель нь маш сайн нягтралтай тул имплантын гадна талын уут нь цоорсон байлаа ч гэсэн гадагш асгардаггүй. Түүнчлэн энэхүү сайн чанарын хөхний имплантны гель нь анхны хэвээ маш сайн хадгалдаг учраас гадны маш хүнд даралтыг ч тэсвэрлэж, хэвээ хадгалсаар байдаг төдийгүй хөхнөөс ялгаагүй зөөлөн чанараа үргэлж хадгалж байдаг гэж сурталчилдаг байв. PIP-ийн имплантын гаднах бүрхүүл нь авхар хамгаалалттай өгөөд тэр нь хагаралт, тэсрэлт болон гелинд гаднаас өгөх даралтыг багасгадаг.

Гэхдээ 2009 онд францын мэс засалчид PIP-ийн имплантууд үйлчлүүлэгчийн цээжин дотор байхдаа хагарах тохиолдол олширсон талаар гомдол гаргах болсон бөгөөд энэ мэдэгдлийн дагуу судалгаа явуулахад 2010 онд мэс заслын эмч нар PIP-ийн гэх хуурамч силиконон имплантуудыг ашиглаж байсан нь илэрхий болжээ. Энэ нь PIP-ийн суулгацны үнэтэй харьцуулахад 10%-тай нь тэнцэх хэмжээний үнэтэй хуурамч имплант байсан нь тодорхой болсон байна. Дараагаар нь нэгэн эмэгтэй PIP-гийн хөхний суулгацыг суулгаад, дараа нь хөхний лимфорт-той болж, амиа алдсан гэх мэдээлэл цацагдсан байна. Харин 2011 оны 12 сарын 23-ны өдөр Францын засгийн газраас хиймэл хөх хийлгэсэн 30,000 франц эмэгтэйг, суулгацаа авахуулахыг зөвлөжээ. Гэвч имплантыг авахуулснаар эрсдлийн хувь буурахгүй нь харамсалтай. Энд тэндэхийн баримт, тэмдэглэлээс үзэхэд PIP компанид үйлдвэрлэсэн имплантын хагарах магадлал нь 10%, харин хагарсан тохиолдолд силикон нь үйлчлүүлэгчийн цээжин дотор асгарах магадлал 11%-тай байдаг аж. Түүнчлэн имплантын шингэн гадагш асгарлаа гэхэд бусад хүндрэл үүсэхгүй гэх баталгаа байхгүй юм. 2011 оны төгсгөлд гарсан мэдээгээр хөхний имплантаа авахуулсан хүмүүсийн дунд хамгийн багадаа 8 хүний хөх хавдартай болсон байсан нь тогтоогджээ. Иплантыг авах мэс заслын 672 тохиолдлын 43-т нь буюу 6.4%-д нь суулгацууд эвдэрсэн, 14 тохиолдолд нь буюу 2.1%-д нь суулгацын дотор талын гель гадагшаа асгарсан байв.

PIP фирмийн суулгацыг Дэлхийн 70 гаруй орны эмэгтэйчүүд мэс заслын аргаар цээжиндээ суулгац хийлгэсэн байдаг бөгөөд өнөөдөр тэдний дунд амь нас, эрүүл мэнд, гоо үзэмжээрээ бүрмөсөн хохироход тун ойрхон байгаа эмэгтэйчүүд хэд байгааг таахын аргагүй юм. Ямартай ч ойролцоогоор 400,000 эмэгтэй өнөөдөр PIP фирмийн импланттай явж байна.

Үйлчлүүлэгч эмэгтэйн хөхнөөс гарч ирсэн хуучин протез.