Сэтгэл судлалын шинжлэх ухаанд бие хүний төлөвшлийг эргэн тойрон, хүрээлэн буй орчинд хандлагаа ухамсарласан, нөхцөл байдалд хэрхэн зохицохоо мэддэг, тохиромжтой хариу үйлдэл үзүүлдэг зэргээр тодорхойлдог байна. Өөрөөр хэлбэл сэтгэл санааны байдал нь ааш араншинг захирдаггүй болсон хүнийг төлөвшсөн хүн гэж үзэх аж. Харин эрэгтэй болон эмэгтэй хүний төлөвшил харилцан адилгүй хугацаанд илэрдэг гэнэ. 

Ингээд бие хүн болж төлөвшсөнийг илтгэх 10 чанарыг хүргэж байна. 

1. Та илүү их уучилдаг болсон

Та бусад хүмүүсийг өөрөөсөө түрүүнд тавьж, өөрийнхөө эгог дарж чадахуйц түвшинд хүрсэн. Хэрэв хэн нэгэн хүн ямарваа нэг алдаа гаргасан бол та хатуурхалгүй түүнийг уучлаарай. 

2. Та хайрыг хүчлэхээ больсон

Хэн нэгэнд сэтгэл алдарлаа гээд түүнээс эргүүлээд хайр нэхэж болохгүй шүү дээ. Хайр сэтгэл гэдэг зүйлийг хичээл зүтгэлээр өөрийн болгох боломжгүйг ойлгосон бол таны оюун санааны түвшин ахисныг илэрхийлж байна.  

3. Та бусдыг амархан шүүмжлэхээ больсон

Та хүн болгоны талаар хов жив ярьж, тэднийг хийсэн үйлдэл эсвэл ямар нэгэн зүйлээр дүгнэдэг байсан тэр үеийг туулаад гарч ирсэн. Хэн нэгний хачин үйлдэл, алдаа дутагдлыг бус, цаадах шалтгааныг чухалчлах нь зүйтэй. 

4. Та сэтгэлийн шархыг хүлээн зөвшөөрсөн

Амьдралд амжилт олно гэдэг амаргүй. Түүний тулд хэд хэдэн давааг заавал даваад гарах учиртай болдог учир дан ганц хайр дурлал гэлтгүй, ажил, амьдралд тохиох юу ч таны сэтгэлийг шархлуулж болно. Хүнд хэцүү бүхнийг дайраад гарчихсан инээгээд сууж байгаа та амжилтыг өөрөө бүтээсээр байна. 

5. Та хүмүүс ялгаатай гэдгийг ухамсарлах болсон

Таны санаа үргэлж бусдын санаатай таарах албагүй. Олон хүн санаа бодлоо солилцоход үргэлж ялгаа, зөрчилдөөн үүсэх болно. Төлөвшсөн хүмүүс өөрсдийнхөө болон бусад хүний үзэл бодлын ялгааг ойлгож чаддаг. 

6. Та илүү уужим сэтгэх болсон

Та урьд өмнөхөөсөө өөрөөр сэтгэж эхлэхэд эсвэл амьдралын шинэ зүйлийг туршиж үзэхэд бэлэн болсон. Шинэ санаа, бусдын өнцгийг сонсох нь таны туршлагыг баяжуулж, таныг эрч хүчтэй хүн болгодог.

7. Ойр зуурын ярианаас цааргалдаг болсон

Энгийн яриа гэдэг нь хүмүүс хоорондоо ярилцах тодорхой сэдэвгүйгээр харилцан ярихыг хичээдэг нийгмийн харилцааны төрөл юм. Зарим хүмүүс өдөр тутмын, энгийн яриа хөөрөөнд дуртай байх нь бий. Гэвч төлөвшлийн тодорхой түвшинд та ийм ярианы оронд гүн гүнзгий, утга учиртай яриа үүсгэхийг чухалчилж эхэлдэг байна. 

8. Баасан гарагийн орой гарснаас унтсан нь чухал болсон

Хэдийнээ төлөвшсөн хүн цомхон найзын хүрээтэй болсон байх нь түгээмэл. Долоо хоногийн төгсгөлд ажлын стрессээ зугаа цэнгэлээр тайлахаас илүүтэй дулаахан гэртээ тухлан амрахаар шийдэх болсон цагаас та өөрийгөө төлөвшиж байгаад тооцож болно. 

9. Утгагүй хэрүүл үүсгэхийн оронд чимээгүй байдаг болсон

Зарим хүмүүс жижиг зүйлээс болж хүн рүү дайрдаг зуршилтай байдаг. “Хүн хэзээ тулалдаж, хэзээ ухрахаа мэддэг байх ёстой” гэдэг үзэлтэй төлөвшсөн хүмүүс өөрсдийнхөө санааг ойлгохгүй зөрүүдэлж байгаа хүмүүст нотлохыг хичээхийн оронд дуугүй өнгөрч, шийдэлгүй буюу хэрэгцээгүй маргаанаас зайлсхийхийг хичээдэг.

10. Таны аз жаргал өөр хэн нэгнээс хамаарахаа больсон

Өөртөө сэтгэл хангалуун байж эргэн тойрныхоо хүмүүсийн үзэл бодолд автахаа больсон бол та хамгийн өндөр түвшинд хүрсэн гэж хэлж болно. Одоо таны дотоод амар амгаланд хөндлөнгийн юу ч садаа болж чадахгүй.