1 Сэтгэл хямрал

Гадил жимс нь сэтгэл санаагаар унах, таагүй мэдрэмж төрөх болон өвлийн улиралд нарны энерги бага авснаас үүдэх ядрах гэх мэт асуудлуудыг даван туулахад тусалдаг. 

Нэмж дурдахад гадил жимсэнд үл орлуулах амин хүчил триптофан агуулагддаг бөгөөд энэ нь аз жаргалын даавар болох серотонины нийлэгжилтийг идэвхжүүлдэг байна.

2 Цусны даралт

Гадил нь калийн өндөр агууламжтай тул цусны даралтыг тогтворжуулахад маш сайн нөлөөтэй бөгөөд зүрхний шигдээс болох, тархинд цус харвах эрсдэлийг бууруулдаг. Зүрхний архаг буюу хууч өвчтэй хүмүүсийн хувьд гадил бол юугаар ч орлуулшгүй жимс юм.

3 Цус багадалт

Гадил жимс нь алимтай адил төмрөөр маш баялаг. Хэрэв та цус багадалттай эсвэл  уг асуудлаас өөрийгөө хамгаалахыг хүсэж байвал гадил жимс тус болно. Эдгээр нь гемоглобин, цусны улаан эсийн нийлэгжилтийг дэмжиж, бие махбод дахь цусыг бэхжүүлдэг ажээ.

4 Сэтгэл санааны тогтворгүй байдал

Дараагийн удаа та сэтгэлээр унаж, ямар нэгэн зүйлд сэтгэл хангалуун биш байвал шууд гадил идээрэй. Энэ нь цусан дахь сахрын хэмжээг хэвийн болгож, В аминдэм таны мэдрэлийг тайвшруулна. Ингэснээр таны сэтгэл санаа богино хугацаанд тогтворжих болно. 

5 Ходоодны шархлаа

Энэ өвчнөөр шаналж буй хүмүүс хоол тэжээлийн асуудлыг илүү сайн мэддэг бөгөөд тэдэнд их хэмжээгээр идэхийг хатуу хориглодог. Харин гадил нь ходоодны ханыг хүчлийн хортой нөлөөнөөс хамгаалах тусгай хальсаар бүрхэж өгдөг байна.

6 Цээж хорсох

Цээж хорсох цочмог үед гадил жимс шууд үйлчлэх чадвартай эмтэй адил үйлчилгээ үзүүлдэг байна. Идсэний дараа үр дүнг нь шууд мэдрэх болно.

7 Эрч хүч

Гадил жимс бараг бүхэлдээ цэвэр нүүрс уснаас бүрддэг. Дасгал хийхийнхээ өмнө хэд хэдэн гадил жимс идвэл дасгал хийх эрч хүчээ авдаг байна. Харин эрчимтэй хөдөлгөөн хийсний дараагаар уг жимсийг идэх нь нүүрс-устөрөгчийн "цонхыг" хурдан бөгөөд амархан хаахад тусалдаг ажээ.