Онгоц газардах дөхөж байх үед зорчигчид гэнэт суудлаасаа ухасхийн босож нисгэгчийн бүхээг рүү гүйлдэж оров. Ийнхүү хүндийн төвд өөрчлөлт орж, нисгэгч хяналтаа алдан, онгоц осолджээ. Харин ослоос цор ганц хүн л амьд үлдсэн байна. 

Түүний өгсөн мэдүүлгээс "Зорчигчдын нэг нь спорт цүнхэндээ амьд матар авч явж байсан" нь тогтоогджээ. Мэдээж тэр үүнийг зарах гэж байсан байх. Гэтэл гэнэт матар цүнхнээс гарч ирээд тэр хавиар нэг үймээн тарьсан байна. Айж сандарсан зорчигчид бүгд нисгэгчийн бүхээг рүү дайрч орсноор онгоц тэнцвэр алдаж, хэдэн зуун метрийн өндрөөс нэгэн хоосон байшинг мөргөн осолджээ. 

Ослын улмаас 21 хүн нас барсан бөгөөд тэдний дотор Бельгийн нисгэгч Филаэр Даниэль Фелемотт байсан гэнэ. Харамсалтай нь ослын буруутан өөрөө амьд үлджээ. Онгоцны сүйрлийн дараа нас барсан зорчигчдын цогцсыг гаргаж авах үедээ аврагчид тэрхүү аймшигт матрыг буудан хороосон байна.