Үндэсний дээл хувцсаараа гоёсон залуу үеийнхэн...

Жилээс жилд монгол залуус өв уламжлалаа хадгалж, дээл хувцсаараа гангарах нь түгээмэл болжээ. Мэдээллийн технологи хурдацтай хөгжиж, дэлхий глобалчлагдаж буй энэ үед өсөн, торниж буй хүүхэд залуустаа уламжлалт өв соёлоо өвлүүлэн үлдээх, бахархам сэтгэлгээг бий болгохын тулд орчин үетэйгээ хослуулах нь хамгийн тохиромжтой юм.

Монгол өв соёл, үндэсний дээл хувцас, тоглоом наадгай гээд бидний үнэт зүйлс болсон өв уламжлал маань үеийн үед мартагдах учиргүй. Соёлоо түгээн дэлгэрүүлж, хадгалан авч үлдэхэд бидний настан буурлууд болоод багш сурган хүмүүжүүлэгчдээс гадна томоохон байгууллагууд маань ч бүтээлч кампанит ажлаараа дамжуулан хувь нэмрээ оруулах боломжтой юм.

Орчин үеийн залуус маань Монгол дээл хувцсаараа наадмын талбайдаа гоёсон нь илүү үзэсгэлэнтэй харагдах бөгөөд, эерэг нөлөөллийг бусдадаа бий болгож буй нь бахархалтай.

Мөн баяр наадмаар Улаанбаатар хотдоо амран, өнгөрүүлж буй залуус маань бэсрэг наадам тоглоомыг онлайнаар тоглож, үндэсний наадгайгаараа наадах боломжтойг сануулж байна.