Гэр бүлдээ тус дэм болох, өөрийн хэрэглээний зардлаа олох зорилготой хөдөлмөр эрхэлдэг хүүхдүүд цөөнгүй. Гэвч тэдний хөдөлмөрийг мөлжих, ажлыг нь үнэгүйдүүлэх, хөлсгүй ажлуулах хүсэлтэй томчууд байсаар... Үүний нэг жишээ болсон постыг та бүхэнд хүргэж байна. Хүүхэд битгий хэл нас биед хүрсэн хүнийг хүртэл үнэгүй ажлуулах хүсэлтэй ёс зүйг давсан мунхаг хүсэл гагнасан гинж шиг манай нийгмийг боожээ. 

Нэг эгч мод тариад 50 мянган төгрөг гэхээр нь хэдэн найзуудаа аваад очлоо. Анх хэлэхдээ 50-хан ширхэг мод байгаа. Нүх болон мод нь бэлэн гэж надад хэлсэн. Очоод ажиллахаар болсон чинь 14 том мод, 50 жижиг мод байх нь тэр. Тэгснээ жижиг модныхоо нүхийг ухуулав. Заа яахав, ажил хийлээ гээд муудах биш гээд орой 21:00-03:00 цаг хүртэл ажиллаа. Тэгсэн нөгөө эгч зүгээр хүний 15 мянган төгрөг аваад явцгаа гэсэн. Тэр үед хүний мөн анар харагддаг юм байна лээ. Ирээдүйд ажиллах эрч хүч, хүсэл мөрөөдөл минь талаар болов.