1 Хурдтай болно

Эмчилгээ хийх хурд нэмэгдэх болно. Саяхан "Viz.Ai" гэх хиймэл оюуныг цус харвасан өвчтөнд хэрэглэж эхэлсэн бөгөөд уг машин өөрөө суралцаж, тооцоолон бодож, шинжлэх чадвартай юм. Өнөөгийн эмчилгээний нөхцөлд удаан хийгдэх эмчилгээнүүдийг "Viz.Ai" тооцоолсны үндсэн дээр зарим эмчилгээнд хэдэн минут зарим эмчилгээнд бүр хэдэн цагийн хэмнэлт гаргаж байсан ажээ. Өвчтөн 24 цагийн турш хэвтрийн дэглэмд, сувилгаанд байдаг байсан бол "Viz.Ai"-н эмчилгээний үр дүнд маш богино хугацаанд гаднын тусламжгүй алхаж чаддаг болон эмнэлгээс гарчээ.

2 Илүү хямд

Эрүүл мэндийн үйлчилгээний өртөг өссөөр байгаа энэ үед хямд зардлаар эмчлүүлэх нь тун ч хэрэгтэй зүйл. "Athelas" компанийн үйлдвэрлэсэн хиймэл оюунт төхөөрөмж өндөгнөөс авсан цусанд морфологийн шинжилгээ хийдэг бөгөөд маш олон төрлийн өвчнийг илрүүлэх боломжтой юм. "Athelas" компанийн үүсгэн байгуулагч Танай Тандон: Бид өвчтөнүүдийг маш хямд зардлаар тогтмол шинжилгээнд хамруулах хэрэгтэй.

Ингэж чадсанаар олон төрлийн өвчнөөс урьдчилан сэргийлж чадна. Өвчилсөн хойноо хямд зардлаар эмчлүүлэх биш харин ч урьдчилан сэргийлж, өвдөхгүй байх нь хамгийн үр ашигтай хэмнэлт гэжээ. Уг технологийг хэдэн мянган хорт хавдрын химийн эмчилгээ хийлгэж байгаа өвчтөнүүдэд эхний ээлжид ашиглах бөгөөд тэдний дархлаа болон эмийн нөлөө зэргийг судлахад ашиглана. Зөвхөн мөнгө санхүү гэхээсээ хүнд өвчинтэй тэмцэж буй өвчтөнүүдэд илүү үр дүн үзүүлэхэд ч ашигтай гэсэн юм.

3 Илүү оновчтой

2020 он гарснаар шинжлэх ухаан, технологийн дэвшлүүд маш ололттой байгаа билээ. Хэд хэдэн төрлийн хиймэл оюун бодит эмч нараас илүү хөхний хорт хавдрыг оношилж чаддаг болсон зэргээс авахуулаад бидний чадахгүй маш олон зүйлсийг чаддаг болсоор байна. Хамгийн чухал нь уг хиймэл оюун тооцоолол дээр алдаа гаргахгүй бөгөөд нэг л зарчмаар ажиллана. Харин эмчийн хувьд алдаа гаргах магадлал харьцангуй өндөр юм. Тийм ч учраас цаашид энэ хэвээрээ хөгжвөл хиймэл оюуны хийсэн оношилгоо илүү оновчтой байх юм.