1 Тэврэлт яагаад удаан байх тусмаа илүү эерэг нөлөөтэй байдаг вэ?

Хүмүүс ихэвчлэн нэгнээ маш богино хугацаанд тэвэрдэг. Гэвч тэврэлтийн хугацаа болон хүний биед гарч буй өөрчлөлтүүдийг харьцуулсан судалгаанд удаан тэврэх тусам хүнд илүү эерэг нөлөө гарч байдгийг тогтоожээ. Тус судалгаанд 1 секунд, 5 секунд, 10 секунд тэвэрч дадсан хүмүүс оролцсон бөгөөд 1 хормын тэврэлт хүнд төдийлөн эерэг нөлөө үзүүлдэггүй бол 10 хормын тэврэлт хүнд хамгийн их эерэг нөлөө үзүүлж байсан нь ажиглагджээ. Иймээс хэсэгхэн хугацааг хайртай нэгэндээ зориулж, тэдэндээ дэм өгч байгаарай.

2 Зүрхний эрүүл мэндэд тустай.

АНУ-ын Үндэсний эмнэлзүйн судалгааны төвийн явуулсан судалгаагаар тэврэлт зүрхний эрүүл мэндэд тустайг олж тогтоожээ. Тэд 200 хүнийг 2 хэсэгт хуваан эхний хэсэгт багтсан хүмүүст 10 минутын хугацаатай романтик бичлэг үзүүлж, гар гараасаа барихыг зөвлөсөн бөгөөд үүний дараа 20 секунд тэврэлдүүлжээ. Харин нөгөө хэсэг хүмүүсийг 10 минут чимээгүй суулгасан бөгөөд үүний дараа тэдний зүрхний хэмнэл, цусны даралтыг хэмжиж үзэхэд эхний хэсэг хүмүүсийн зүрх, судасны үзүүлэлтүүд буурч, сэтгэл амарсан байгаа нь ажиглагдсан ажээ.

3 Тэврэлт айдас намжааж, сэтгэлийн түгшүүрийг бууруулдаг.

Тэврэлт сэтгэлийн түшүүрийг дарж, өөртөө итгэх итгэлийг нэмэгдүүлж, айдсаа даван гарахад хүнд тусалж байдаг ажээ. Судалгаагаар ч дээрх таагүй мэдрэмжүүдийг мэдрэх үедээ хүн хэн нэгнээр тэврүүлэх хүсэлтэй болдог тухайгаа тэмдэглэсэн байдаг. Түүнчлэн хэн нэгний дэргэд байж, тогтмол тэврүүлдэг хүмүүсийн хувьд сэтгэлийн түгшүүр бага байдаг нь ажиглагджээ.

4 Тэврэлт өвчин тусах эрсдлийг бууруулна.

Судалгаагаар бусдын дэмжлэг их авдаг, бусдад тэврүүлдэг нэгэн аливаа өвчинд нэрвэгдэх магадлал бага байдаг нь ажиглагджээ. Уг судалгаанд 404 насанд хүрсэн эрүүл хүн оролцсон бөгөөд тэврүүлсний дараа улирлын ханиадны вирусны эсрэг дархлаа сайжирч, өвчлөх магадлал буурч байжээ.

5 Хүрэхүйн мэдрэмж яагаад чухал вэ?

Хүрэхүй буюу хүний хамгийн энгийн харилцааны хэлбэр хүнд олон төрлийн эерэг нөлөөг үзүүлж байдаг аж. Тухайлбал, ганцаардлыг мэдэрч буй хүнд нэг л зүйл дутуу мэт хоосорсон мэдрэмж их төрдөг. Харин тэрхүү мэдрэмжийг ганц тэврэлт л дүүргэх хүчтэй байдаг ажээ. 40,000 хүнийг хамруулсан судалгаанд хүрэхүй гэсэн үгтэй хамгийн ойр үгсийг “тааламжтай байдал”, “халуун дулаан байдал”, “хайр” гэж сонгожээ.

6 Өвчин мэдрэг буурна.

Хайртай, дотны хүнийхээ гарыг атгах эсвэл тэдэнд тэврүүлэх үед сэтгэлзүйн хувьд хүн эрүүлжихээс гадна өвчний мэдрэг байдал ч суларч байдаг аж. Судлаачид төрөх өрөөнд хайртай хүнтэйгээ хамтдаа байгаа бүсгүйчүүд харьцангуй бага өвдөлт мэдэрч төрж байгааг судалгаагаар баталжээ.

7 Тэврэлт эрүүл, аз жаргалтай байхад тусална.

Гэр бүлийн сэтгэлзүйч Виржиниа Сатирын үзэж буйгаар өдөрт 4 удаа тэврэлдэх нь хүний эрүүл мэндэд тустай байдаг бол 8-12 удаа тэврэлдэх нь аз жаргалтай, сэтгэл өөдрөг байхад тусалдаг хэмээжээ.