1
Хамгийн өндөр шагналын сантай тэмцээн
Монгол дахь И-Спортын хамгийн том тэмцээн "Road To National Championship" нь PUBG Mobile, DOTA2, CSGO, Mobile Legends гэсэн төрлүүдээр нийт зургаан сарын хугацаанд, гурван үе шаттайгаар зохион байгуулагдана. Тэмцээний нэгдүгээр шат буюу QUALIFIER шатны эхний тоглолтууд онлайнааар амжилттай зохион байгуулагдаж, шилдгүүдээ тодруулаад буй.
Харин нэгдүгээр шатандаа оноо цуглуулж, эхний дөрөвт шалгарсан багууд хоёрдугаар шат буюу INVITATIONAL-д оролцох эрхээ авна. Эцэст нь зургадугаар сард тэмцээний сүүлийн шат NATIONAL CHAMPIONSHIPS-д өмнөх шатуудаас шалгарсан шилдэг багууд болон нэмэлт WILDCARD QUALIFIER-ээр шалгарсан багуудын хооронд явагдаж, аваргыг тодруулах аж.
"Road To National Championship" тэмцээний DOTA2, CSGO төрөлд тус тус 30 сая, Mobile Legends болон PUBG төрөлд тус бүр 20.5 сая, нийтдээ 180 сая төгрөгийн шагналын сан тамирчдыг хүлээж байна.
2
Jig Jug платформ - Өндөр чанарын шууд дамжуулалт
Монгол дахь вэб болон утсан дээр суурилсан цогц стриминг үйлчилгээний анхдагч Jig Jug платформ уг тэмцээнийг зохион байгуулж, шууд дамжуулалтын ажлыг хариуцаж байна. Контент бүтээгчдийн авъяасаа нээх, хөгжих, орлого олох орон зай болсон энэхүү платформ нь анхлан сонирхогчоос авахуулаад мэргэжлийн түвшинд хүртэлх бүх хүнд нээлттэй.
"Road To National Championship" тэмцээний бүх тоглолтууд "Jig Jug"-аар шууд дамжуулагдах тул та бүхэн гар утсандаа Jig Jug апп-аа татаад, эсвэл www.jigjug.mn вэб сайт руу нэвтэрч үзээрэй. Мөн та дэмждэг багтаа donate өгч, мөн өөрөө стрийм хийж, бусдаас шууд donate авах боломжтой.
Мөн тэмцээний эргэн тойронд болж байгаа болон багуудтай холбоотой бүхий л мэдээллийг Jig Jug-ийн фэйсбүүк болон Инстаграм хаягаас аваарай.
3
Чадварлаг тайлбарлагч, кастеруудын баг
“Road to National Championship” тэмцээний хүрээнд "Jig Jug"-ын хамт олон цахим спортын салбартаа туршлагатай, өөрсдийн гэсэн томоохон коммюнити, үзэгч нартай болсон Meta, EG, TechNomad, Caster Tuvshuun, Caster Lexor зэрэг шилдэг кастерууд, багуудтай хамтран ажиллахаар болжээ. Тэр дундаа хүүхэд залуусын дунд нэр хүндтэй, мэргэжлийн тайлбарлалтын өнгө аясаараа ялгарч чаддаг, PUBG mobile-ын дэлхийн аваргын албан ёсны эрхтэй тайлбарлагч Caster Tuvshuun уг тэмцээнийг тайлбарлан хүргэх юм.
"Jig Jug"-аас эдгээр шилдгүүдтэй хамтран ажиллахаар урт хугацааны гэрээнд гарын үсэг зурж, цаашид олон сонирхолтой тэмцээн, уралдаан, стрийминг хүргэхээр төлөвлөж буй аж.
4
100 хувь шударга өрсөлдөөн
Мөн "Jig Jug"-ын хамт олон И-Спортын дэлхийн шилдэг серверүүдийн нэг болох "FACEIT" дээрх 24 мянган хэрэглэгчтэй "МЕТА"-ийн серверийг албан ёсоор худалдан авч, цаашид энэхүү серверийн хэвийн үйл ажиллагааг ханган ажиллахаар болсон байна.
Уг сервер нь Монголд цор ганц "AntiCheat" бүхий албан ёсны эрхтэй учраас CS:GO төрлөөр тэмцээнд оролцогчид аливаа cheat-ийн асуудалд санаа зоволгүйгээр шударга өрсөлдөх боломжтой болжээ.
