1 Элсэн чихэр

Хэлэхэд амархан ч зарим хүмүүсийн хувьд элсэн чихрээс татгалзах нь хэцүү санагддаг. Элсэн чихэр нь инсулины хэмжээг маш ихээр нэмэгдүүлдэг. Гэтэл биеийн бүх дааврууд өөхний эс дэх өөх тосыг зайлуулах үүргийг гүйцэтгэдэг ч инсулиныг бол үгүй. Энэ нь энерги зарцуулалт муу явагдаж байгааг илэрхийлнэ. Мэдээж, энерги зарцуулалт муу байвал бодисын солилцооны хурд муудна.  

Үүнээс гадна элсэн чихэр нь цадсан мэдрэмжийг өгдөггүй бөгөөд та өдөржингөө чихэрлэг зүйд идсэн ч цадах мэдрэмжийг авч чадахгүй. Тиймээс та шууд элсэн чихрийн хэрэглээгээ хорьж чадахгүй бол одооноос эхлээд багасгаарай.

2 Буурцаг, үр тариа

Шош болон үр тариа нь их хэмжээний нүүрс ус болон лектин агуулсан учир бодисын солилцоог удаашруулж, инсулины хэмжээг нэмэгдүүлдэг. Хэрвээ танд нүүрс усны хэрэглээ шаардлагатай байвал та цагаан будааг хэрэглээрэй. Цагаан будаанд лектин байдаггүй учир хоол боловсруулалт илүү хурдан болж, инсулин хурдан гадагшилж, бодисын солилцоо түргэсдэг байна.

3 Цэвэршүүлсэн тос

Энэ төрлийн тосонд эрдэнэшиш, буурцаг, ургамлын тос болон бусад цэвэршүүлэх дамжлагыг дамжсан тоснууд багтана. Эдгээр тосуудыг боловсруулах өндөр хэм нь химийн урвалд орж энерги ялгаруулах үйл явцыг удаашруулдаг байна. Их хэмжээний "омега-6" нь бодисын солилцооны синдромд хүргэж,үйл ажиллагаанд нь сөргөөр нөлөөлнө. Харин оливын тосыг хүссэн хэмжээгээрээ хэрэглэх боломжтой.