1 Даниэл Рэдклифф (Daniel Radcliffe)

Дэниэл Рэдклифф Харри Поттерын дүрээр дэлхийн хамгийн алдартай жүжигчдийн нэг болсон билээ. Тэрээр гэрээнд заасны дагуу тус цуврал киноны бүх анги гарч дуусах хүртэл өөр ямар ч кинонд тоглох ёсгүй байсан аж. Тиймээс хамгийн сүүлчийн Харри Поттерийн анги гарсны дараа Дэниэл Рэдклифф өөрт нь санал тавьсан бүхий л бүтээлд жүжиглэх болсонд гайхах зүйл байхгүй. Гэсэн хэдий ч үзэгчид түүнийг жинхэнэ нэрээр нь бус Харри гэж дуудсан хэвээр байгаа юм. 

2 Кристен Стюарт (Kristen Stewart)

"Twilight" цувралын Беллагийн дүрийг бүтээсэн Кристен Стюарт найз залуу Робер Патенсоноосоо дуулиантай салснаас болоод өөр найруулагчид түүнийг кинондоо тоглуулахаас жийрхсэн байдаг. Учир нь тэд хэт их хэл аманд орсон Кристен үзэгчдийг татахгүй гэж эмээсэн хэрэг. Үүнээс болоод Кристен Стюарт Беллагийн дүрээс өөр бүтээлээр үзэгчдэд танигдаагүй бөгөөд өдгөө ганцхан "Twilight"-д тоглосон гэдгээрээ хүмүүсийн сэтгэлд үлджээ. 

3 Рован Аткинсон (Rowan Atkinson)

Рован Аткинсон амжилт гаргасан хэд хэдэн дэлгэцийн уран бүтээлүүдэд тоглосон ч аль нь ч Mr. Bean шиг олонд танигдаагүй юм. Зарим үзэгчид түүний тоглосон "Blackadder", "The Witches", "Johnny English" зэрэг уран бүтээлүүдийг нь шимтэн үзэх дуртай ч Mr. Bean шиг дэлхийд нийтэд танигдсан нь ховор юм. 

4 Тоби Магуайр ( Tobey Maguire)

Тоби Магуайр Хүн аалзын дүрийг хамгийн сүүлд 2007 онд бүтээснээс хойш Great Gatsby-г эс тооцвол томоохон бүтээлд бараг тоглоогүй юм. Магадгүй хүн аалзын дүр нь олны сэтгэлд хэтэрхий хоногшсон учраас найруулагч нар түүнийг кинондоо тоглуулахаас эмээх болсон байх. 

5 Маколей Калкин (Macaulay Culkin)

Маколей Калкин хэдийгээр бага байхдаа өсөх ирээдүйтэй од байсан ч эцэг эх нь буруу шийдвэрүүд гаргаснаас болж бүх боломжийг нь балласан юм. Насанд хүрсэн хойноо хэрэг төвөгт орооцолдох болсон Маколей жүжигчин Мила Кунист хаягдсаны дараа хар тамхинд хүртэл орсон байдаг. Өдгөө 40 нас хүрч байгаа түүний жүжигчний карьер нь бараг үгүй болж, Калкин Гэртээ ганцаараагийн жаал хэвээр үлджээ. 

6 Меган Фокс (Megan Fox)

Меган Фокс хэдийгээр "Transformers"-ийн хоёрхон ангид тоглосон боловч үзэгчид ихэнхдээ түүнийг үүгээр нь л дурсах болжээ. Азаар дараа нь "Jennifer's Body", "Teenage Mutant Ninja Turtles" "Trapped" зэрэг бүтээлүүд Меган Фоксыг "Transformers"-оос зайгаа барихад нь тусалж чадсан юм. 

7 Дакота Жонсон (Dakota Johnson)

"Peanut Falcon", "Suspiria" болон "Bad Times at the El Royale" гэх мэт кинонуудад Дакота Жонсон тун чадварлаг тоглосон байдаг ч "Fifty Shades of Gray"-ийн дүрээр нь л хүмүүс түүнийг таних болсон юм. Үнэхээр том шуугиан тарьсан бүтээл болохоор энэ нь ч арга ч үгүй биз...