Сүүлийн үед жендерийн ялгаварлан гадуурхалтыг эсэргүүцэж, дуу хоолойгоо өргөх хүмүүс олширсны нэгэн жишээ болсон үйл явдал өнгөрсөн долоо хоногийн сүүлээр Герман улсын Берлин хотод болж өнгөрчээ. 

Үйл явдлыг тодруулбал, Францын иргэншилтэй Габриел Лебретон хэмээх эмэгтэй усан паркт хүүхэдтэйгээ хамт амарч, наранд биеэ шарж байхдаа "цээжээ далдлаагүй" гэх шалтгаанаар паркаас хөөгдсөн аж.

Өнгөрсөн сард болсон энэ явдлаас үүдэж эмэгтэй хүний хөхийг бэлгийн нүдээр харахгүй байхыг шаардсан эмэгтэйчүүд цээж нүцгэн цуваанд оролцсон байна. Жагсаалд зөвхөн эмэгтэйчүүд оролцсон төдийгүй, эрэгтэйчүүд ч мөн тэдний дуу хоолойг дэмжсэн байгаа харагдав. 

Эмэгтэйчүүд цээжээ ил гаргаж, биедээ "Миний бие, миний сонголт" гэхчлэн хөхийг нууж хаах, ичиж санаа зовох зүйл биш гэж үзсэн байна. 

Цувааг Hedonist олон улсын байгууллагын жендерийн тэгш эрхийн төлөөх идэвхтнүүд зохион байгуулж, ижил үзэл бодолтой хүмүүсийг нэг дор цуглуулжээ.

Тэд Герман улсын хууль тогтоомжид тодорхой албан газар, төрийн байгууллагын орчимд хагас нүцгэн байхыг хориглодгоос бусдаар олон нийтийн амралтын хүрээлэн, наран шарлагын газарт хориглох заалт байдаггүйг сануулж, хүмүүсийн дунд тогтсон ойлголтыг өөрчлөх ёстой гэж шаардсан гэнэ.

Ингээд та бүхэнд уг үйл явдлын зургуудаас хүргэж байна.(ЗӨВХӨН НАСАНД ХҮРЭГЧДЭД ЗОРИУЛСАН БОЛОХЫГ АНХААРНА УУ!)