2010, 2014, 2018 оны Өвлийн Олимпийн наадмуудад амжилттай оролцож, хоёр удаагийн Олимпийн аварга болж байсан сноубордчин Алекс Пуллин өнгөрсөн оны 7-р сард Австралийн Голд-Кост орчмын далайн гүнд шумбах явцдаа живж нас барсан байна. Тэрээр Эллиди Влуг хэмээх бүсгүйтэй хайр сэтгэлийн харилцаа үүсгээд 8 жил болж байжээ.

Тухайн үед эмч нар амьсгал хураасан тамирчны үрийн шингэнээс дээж авч үлдсэн байсан бөгөөд үүнээс жилийн дараа түүний найз бүсгүй жирэмсэн болсноо олон нийтэд зарласан байна.

Эллиди ирэх 10-р сард амаржих гэнэ.

Тэд байгалийн жамаар хүүхэдтэй болохыг хүссэн ч чадалгүй 4 жил болсон тул зохиомлоор үр тогтоох аргыг судалж байсан аж. Харамсалтай нь тэдний ирээдүйн төлөвлөгөө эмгэнэлт явдлаар дуусгавар болсон байна. 

Квийнслэндэд эрэгтэй хүний үрийн дуслаас 36 цагийн дотор дээж авахыг хуулиар хүлээн зөвшөөрдөг учир Алексын үхлийн дараа ч хөөрхий хосын мөрөөдөл биелэлээ олсон нь энэ юм. 

Эллиди хүүхэдтэйгээ уулзахыг тэсэн ядан хүлээж байгаа бөгөөд  ураг аавыгаа дуурайсан байгаасай гэж хүсэж байгаагаа хуваалцжээ.

Энэ хүүхэд түүний хувьд хатуу хувь тавиланг зөөллөж, гэрэл гэгээ авчрах бэлэг болж ирж байгаа гэнэ.