1 Бор, Оюу

Өнгөрсөн жил загварын ертөнц бор өнгөн дээр хэт төвлөрч байсан бөгөөд бараг хүн бүр ийм өнгийн гадуур хувцас, даашинз, өмд, гуталтай болсон билээ. Тэгвэл энэ тренд 2021 онд ч үргэлжилсээр байна. Ердийн шоколадны өнгөтэй хувцсаа тансаг болгон хувиргахын тулд оюу өнгийн цүнхээр чимээрэй.

2 Хөх ягаан, улаан

Жилийн өмнө хөх ягаан, цайвар ягаан бас эрэлт ихтэй байсан юм. Энэ удаад та ийм өнгийн хувцас дээрээ улаан өнгөтэй гар цүнх, ээмэг зүүлт эсвэл гутал "нэмж" өгөөрэй. Хөх ягаан, улаан өнгийн хослол нь төгс зохицлыг бүрдүүлж, гадаад төрхийг тансаг харагдуулдаг.

3 Бор шаргал болон жийнс

Бор шаргал өнгийг яг наранд шарсан арьсны өнгө гэж тодорхойлж болох юм. Тэгвэл цэнхэр жийнс үүнтэй хамгийн төгс тохирно. Хүссэн бор шаргал өнгийн цамцан дээр жийнс өмсөх юм бол та жинхэнэ кино од шиг харагдана. 

4 Цагаан ба ногоон

Цагаан ба ногоон өнгө ямар ч үед гайхалтай зохицдог. Ялангуяа ногоон цамц болон цагаан өмд маш сайхан харагддаг гэдгийг та мэдсэн үү? 

5 Улбар шар ба хар хөх

Улбар шар өнгө маш цөөн тохиолдолд сайхан харагддаг гэдгийг санах хэрэгтэй. Хэрвээ хувцасныхаа өнгийг сайн тохируулж чадахгүй бол ийм өнгийн хувцас өмссөн хүн бараг таарсан болгоноо цочоодог. Ерөнхийдөө хар хөх өнгө л үүнтэй төгс зохицдог аж. Учир нь улбар шар шиг хэт тод өнгийг хар хөх л "дарж" тэнцвэртэй харагдуулж чаддаг. Ийм өнгийн хослол нь хамгийн энгийн хувцаслалтыг ч тансаг болгоно.

6 Бүдэг ягаан ба шаргал

Бүдэг ягаан ба шаргал өнгийн хувцаслалтыг романтик, эмэгтэйлэг, дэгжин гээд олон үгээр магтаж болно. Ягаан өнгийн хүрэм, шаргал маалинган загварын юбка, ягаан цамц, шаргал өмд зэрэг хослол нь үргэлж тансаг, сэтгэл татам харагддаг.