"Булчинлаг Барби" - Эрчүүдийн шохоорхол, атаархлыг зэрэг төрүүлсэн Юлия Винс

Сүүлийн жилүүдэд спортоор хичээллэдэг эмэгтэйчүүдийн тоо нэмэгдсэний дундаас эмэгтэй хүнд тохирохгүй гэгддэг спортын төрлүүдийг сонирхдог үзэсгэлэнт бүсгүйчүүд ч эрс ихэссэн байна. Тэдгээрийн нэг Юлия Винс сахиусан тэнгэр мэт царайндаа баймгүй аварга том булчин, хүчирхэг биеэрээ дэлхий нийтэд танигдсан. ОХУ-ын болоод олон улсын хэд хэдэн тэмцээнд амжилт байгуулсан тэрээр мянга мянган хүмүүсээс "Булчинтай барби" хоч авчээ.

Юлия одоогоос арав гаруй жилийн өмнө сонирхлын журмаар фитнесс төвийг зорьж, спортын ертөнцөд хөл тавьсан байна. Энэ үед Юлия өөртөө итгэлгүй, тэсвэр хатуужилгүй охин байсан ч хэсэг хугацааны дараа түүний бие болоод сэтгэлзүйд хүртэл мэдэгдэхүйц эерэг өөрчлөлтүүд гарч эхэлсэнд урамшиж, илүү их хичээл зүтгэл гаргаж эхэлсэн гэнэ.

Олон мянган хүний дунд "Халк шиг биетэй барби" гэдгээрээ алдартай тэрээр хүндийн өргөлтөөр хичээллэхийн зэрэгцээ бусад эмэгтэйчүүдийн адилаар даашинз өмсөж, үс зүсээ янзлах хоббитой. Юлия 165 см өндөр, 60-65 кг жинтэй хэдий ч 440 кг жинг төвөггүй дийлнэ.

Юлия Винс өдгөө өөрийн амьдрал, гадаад төрхөндөө сэтгэл хангалуун байдаг бөгөөд тэрээр интернет ертөнцөд маш олон шүтэн бишрэгчтэй. Тэрбээр одоо ч үргэлжлүүлэн шаргуу бэлтгэл хийж, хүмүүст жингээ хасах, булчингаа хөгжүүлэх талаар зөвлөгөө өгдөг байна. Булчинтай барбигаас урам зориг авч, спортоор хичээллэж эхэлсэн олон хүн түүнийг "багш" хэмээн хүндэлдэг.