Тэрээр АНУ-ын Ерөнхийлөгч Жо Байдены тангараг өргөх ёслолын цагаан захтай, Miu Miu-ийн гоёмсог хүрэмтэй ирсэн нь маш дэгжин харагдаж байв.

Энэ үйл явдлаас хойш хоёр хоногийн дараа нэр хүндтэй загварын агентлаг болох IMG Models Эллагтай гэрээ байгуулсан байна. 

“Олон залуу охидын адил надад өөртөө итгэх асуудал гардаг. Үнэнийг хэлэхэд хүмүүсийг зөвхөн гадаад төрхөөр нь үнэлдэг ертөнцөд хөл тавих надад аймшигтай байсан. Гэхдээ өнөөдөр гарч ирж байгаа янз бүрийн загваруудыг хараад би энэ мэргэжлийг туршаад үзэхээр шийдсэн юм." гэж Элла инстаграмдаа бичжээ.

Proenza Schouler-ийн шоунд оролцсоны дараа тэрээр "Ийм зүйл анх удаа хийж байгаа тул маш их сандарч байсан." гэж сэтгэгдлээ хуваалцсан байна.

Эхмофф загварын ертөнцийн талаар юу ч мэдэхгүй хүн бас биш. Тэрээр Нью Йоркийн Парсонс дизайны сургуульд нэхмэл эдлэлийн чиглэлээр сурч байгаагийн дээр залуу бүсгүй 13 настайгаасаа хойш сүлжмэлийн машин дээр ажиллаж сурсан гэнэ.