АНУ-ын Массачусетс мужийн Фитчбург хотын оршин суугч Южин Финни гэр бүлийн гишүүдийнхээ хамтаар далайн эрэгт амрахаар явжээ. Түүнийг 10 настай охинтойгоо далайд сэлж байхад акул дайрсан ч хэн хэн нь ноцтой бэртэл авалгүй, аюулгүй өнгөрч чадсан байна.

Тэрээр багахан шарх авсан тул эмнэлгийн байгууллагад хандалгүй хэд хоносон ч аюулгүй байдлын үүднээс эмчид үзүүлэх хэрэгтэй гэж үзсэн аж. Улмаар Финнид томографийн шинжилгээ хийсэн бөгөөд үүний үр дүнд бөөрний жижиг хавдрыг олж илрүүлжээ. 

Тэрээр акулын тусламжаар хавдрын эхэн үедээ оногшлогдсон тул болсон явдлыг байгаль эхийн сануулга гэж талархан хүлээн авсан гэнэ. Аварга загас гарч ирээгүй бол тэрээр хавдрын хамгийн сүүлийн шатандаа л эмнэлгийн байгууллагад хандах байсан учир амийг нь аварсан аварга загасанд их талархаж байгаа аж.

Финни дээрх явдлын тухай "Би тэр акулыг хайж олж чаддаг сан бол эргэж очоод тэвэрмээр байна." гэж хошигноод хүртэл амжсан байлаа.