Мөн тус хэлэлцээрт дайны талбарт ашиглахад дэндүү их хор хөнөөл учруулж болох аюулт зэвсгүүдийг хориглох тухай заалтууд бий. Өнөөдөр та бүхэнд тус гэрээгээр ашиглахыг хориглосон хамгийн хөнөөлт 9 зэвсгийг танилцуулж байна.
1
Хорт хий
Хорт хий нь хүний цусанд шингэн биеийг дотроос нь хордуулдаг учраас түүнд өртсөн хүн маш их шаналж үхдэг. Тиймээс Дэлхийн 1-р дайны үед өргөнөөр хэрэглэгдэж байсан хорт хийн нөлөөг мэдэрсэн дэлхийн удирдагчид дуу нэгтэйгээр хориглохыг зөвшөөрсөн юм.
Дайны ажиллагаанд ашиглахыг хориглосон таван төрлийн химийн бодис байдаг.
Фосегений хий ба устөрөгчийн цианид нь цусанд шууд нэвтэрдэг бол, дараа нь арьс, нүдэнд хүчтэй химийн түлэгдэл үүсгэдэг цэврүүт бодисууд орно. Гичний хий гэх мэт цэврүүтэх бодисыг залгисан эсвэл түүгээр амьсгалсан тохиолдолд шууд үхэлд хүргэх аюултай.
VX, Sarin хий зэрэг бодисууд нь эрхтнүүдийн үйл ажиллагааг хянадаг мэдрэлийг судлыг задалдаг бөгөөд тэдгээрийг амьсгалах эсвэл арьсаар шингээж авах боломжтой. Хохирогчид бие махбодийнхоо үйл ажиллагааг хянах чадвараа аажмаар алдаж, эрхтэнүүд нь өөрийн эрхгүй таталдаж эхэлдэг бөгөөд амьсгалын дутагдлаас болж үхдэг.
2
Илрүүлэх боломжгүй зэвсэг
Дотроо төмөр агуулаагүй зэвсгийг ашиглах хориотой. Учир нь ийм төрлийн зэвсгийн хэлтэрхий рентген туяанд харагддаггүй учраас хүний биеэс гаргаж авах боломжгүй байдаг. Жишээлбэл, хуванцар сумны хэлтэрхийд оногдсон хүний биеэс эмч нар таавраар зүсэлт хийх гэж хугацаа алддаг талтай.
3
Газрын мина
Хэдийгээр 1979 онд газрын минаг хориглосон боловч дүрмийг дагадаг тал байдаггүй. Учир нь тус дүрэмд зөвхөн явган цэргийн минаг хориглосон бөгөөд танкны эсрэг болоод алсын зайн удирдлагатай минаг огт хориглоогүй байна.
4
Шатдаг зэвсэг
Томоохон талбайг шатаах, гал гаргахад зориулагдсан зэвсгийг ашиглахыг хориглодог. Энэхүү дүрэмд энгийн гал, шатамхай химийн бодисыг хамааруулдаг тул гал цацагч, напалм, цагаан фосфорын хэрэглээг хязгаарладаг.
Гэхдээ энгийн иргэд байхгүй газарт гал цацагч, напалм зэргийг ашиглаж болдог аж.
5
Сохлогч лазерын зэвсэг
Орчин үеийн армиуд алсын зайнаас хүний нүд рүү тусган сохлох өндөр хүчин чадал бүхий лазерын зэвсэг нэвтрүүлж эхэлсэн ч үүнийг хоригложээ.
6
Задардаг сум
Анх 1899 онд хэрэглээнд нэвтэрсэн олон хэсэг болж задардаг эсвэл тэлдэг сумыг тэр даруйд нь хориглож байсан юм. Тийм төрлийн сум нь агаарт байхдаа эсвэл байгаа оносны дараа задарч, олон хэсэг болдог юм. Үүнд оногдсон хүн маш их тарчилдаг учраас задардаг сум хэрэглэхийг дэндүү харгис гэж үзэж иржээ.
7
Хортой сум
Бүр дундад зууны үед Герман болон Францын эзэнт гүрнүүд хортой сум хэрэглэхгүй хэмээн тохирсон. Учир нь тухайн үед анагаах ухаан одоогийнх шиг хөгжөөгүй байсан учраас хордож нас барсан цэргүүд маш хурдан халдвар тараадаг байсан аж. Хэдэн зуун жилийн дараа ч гэсэн хортой зэвсэгт оногдсон хүн маш түргэн халдварт өвчин тараах эрсдэлтэй хэвээр байна.
8
Кластер бөмбөг
Задардаг сумтай адил ийм төрлийн бөмбөг нь дэлбэрмэгцээ маш олон жижиг хэлтэрхийг тал тал тийш цацдаг. 2008 онд кластер бөмбөгийг 2 шалтгаанаас болж хориглосон юм. Нэгт энгийн иргэд түүнд өртөх магадлал өндөр байдаг, хоёрт зарим бөмбөгүүд тухайн үедээ дэлбэрэлгүй үлддэг ч хожим нь тэсрэх аюултай байдаг гэжээ.
9
Биологийн зэвсэг
1972 онд биологийн зэвсэг хэмээх нэр томъёо анх гарч ирсэн бөгөөд түүнийг үйлдвэрлэх, хөгжүүлэх, агуулахыг бүрэн хориглосон юм. 13-р зууны үед Монголын эзэнт гүрэн үхсэн тарвагыг эсрэг талын хотын ханыг давуулан шидэж тахал тараан буулгаж авч байсан бөгөөд үүнийг анхны биологийн зэвсэг хэрэглэсэн тохиолдол хэмээн үздэг. Ийм төрлийн зэвсэг нь энгийн иргэдийг үй олноор нь хөнөөх, цаашлаад тухайн бүс нутагт хүн амьдрах боломжгүй болгодог учраас хэрэглэхийг хатуу хориглосон түүхтэй.
