Хэн нэгэн энэ зургаас нэг ч объектыг олж тогтоож, дүрслэн хэлж чадаагүй бөгөөд зарим хүмүүсийн хувьд энэ зураг сэтгэл түгшүүр, уур бухимдал төрүүлсэн гэв.

Зураг дээр ойлгомжтой үзэгдэх юу ч байхгүй байхад яагаад хүмүүсийн сэтгэлзүйд нөлөөлсөн бэ? 

Угтаа зураг дүрс нь хоёрдмол утгатай учир сэтгэлийн түгшүүр үүсгэх хандлагатай. Иллинойс муж дахь Нокс коллежийн сэтгэл судлалын шинжлэх ухааны профессор Фрэнк МакАндрюгийн хэлснээр хүн сонссон, харсан зүйлээ аюултай эсэхийг нь баттай мэдэхгүй байхдаа сэтгэл түгшдэг гэнэ. Энэ бол хүний биеийн энгийн хариу үйлдэл аж.

Энэхүү зураг ямар ч аюул заналхийлэл агуулаагүй боловч ямар ч хүн үүнээс тодорхой зүйл олж харж чаддаггүй. Олон нийтийн сүлжээнүүдээр хурдацтай тархсан энэ зургийг интернет хэрэглэгчид хиймэл оюун ухаан ашиглан бүтээсэн гэж үзэж байгаа аж. 

Харин энэ чиглэлийн мэргэжилтэн Жанел Шейн үүнийг Google-ийн BigGAN алгоритм ашиглан бүтээсэн зураг гэж тайлбарласан ба хачирхалтай дүрснүүдийг нарийн боов, тоглоом, хоол зэрэг зүйлсийн зургийг хольсон байна гэж дүгнэв.