1 Брүүк Шийлдс (Brooke Shields) - Эмэлин

Брүүк Шийлдс зураг авалтын үед ердөө 14 настай байжээ. Зохиолын анхны хувилбар дээр түүнийг хэд хэдэн удаа нүцэглэх ёстой гэж заасан байсан учраас Брүүк анхандаа тус дүрийг бүтээхээс татгалзаж байсан гэнэ. Эцэст нь зохиолыг нь өөрчлөн нүцгэн хэсгийн тоог бууруулж, зарим хэсэг дээр орлон тоглогч ашиглах болсны хүчинд тэрбээр кинонд тоглохоор болсон байна.

Брүүк Шийлдс өмнө нь хэд хэдэн кинонд тоглож нэрд гараад байсан юм. Тэрбээр өөрийн гоо үзэсгэлэнгийн хүчээр үзэгчдийн өөртөө татсан ч шүүмжлэгч нарт жүжиглэлт нь таалагдаагүй учраас Брүүкст хамгийн муу жүжигчдэд өгдөг шагнал "Алтан Бөөрөлзгөнө"-ийг өгсөн байдаг.

Тэрбээр энэхүү киноны дараа үргэлжлүүлэн жүжиглэсэн хэвээр байсан ч загвар өмсөгч гэдгээрээ илүү нэрд гарсан юм.

Брүкк өдгөө 55 настай бөгөөд 17, 14 насны 2 охинтой болжээ.

2 Кристофер Аткинс (Christopher Atkins) - Ричард

Зураг авалтын үед 18 настай байсан Кристофер өмнө нь жүжиглэж байгаагүй гэнэ. Гэхдээ далайн эргийн харуул, дарвуулт завины сургагч байсан учраас энэхүү дүрийг бүтээх боломжтой болсон байна.

"Blue Lagoon"-д тоглосны дараа тэрбээр нэр хүндтэй болсон бөгөөд олон тооны сэтгүүлийн нүүрэнд гарч, хэд хэдэн кинонд тоглоод амжжээ. Харамсалтай нь түүний жүжиглэлт мөн л шүүмжлэгч нарт таалагдаагүй учраас 2 удаа "Алтан Бөөрөлзгөнө"-д нэр дэвшсэн байна.

Тэрбээр кинонд тоглосон хэвээр байсан ч удалгүй жижиг дүрүүд л түүнд олдоог болжээ.

Өдгөө тэрбээр 59 настай настай бөгөөд 2 хүүхэдтэй гэнэ. Үүнээс гадна Кристофер өөрийн гэсэн хэд хэдэн бизнесийг эхлүүлсэн байна.